LEXO PA REKLAMA!

SHKARKO APP

“Jemi më poshtë në investime se Maqedonia e Veriut dhe Serbia”/ Kreu i Dhomës Amerikane të Tregtisë tregon faktorët

27 Qershor 2022, 11:02, Aktualitet CNA

“Jemi më poshtë në investime se Maqedonia e Veriut dhe

Kreu i Dhomës Amerikane të Tregtisë, Enio Jaço, duke folur në një konferencë për mediat, ka vënë theksin tek investimet amerikane në Shqipëri.

Jaço theksoi se Shqipëria është më poshtë se Maqedonia e Veriut dhe Serbia për investimet për shkak të luftës në Ukrainë dhe indeksit të biznesit.

"Dhoma amerikane e tregtisë do të organizojë në shtator konferencën 'smart city', e cila do të prezantojë disa nga teknologjitë më të përparuara dhe për herë të parë do të jenë prezente disa nga kompanitë amerikane më të mëdha në këtë fushë si 'Google', 'Amazon', 'Tesla' që nuk janë shumë prezente në rajonin e Ballkanit. Do të jenë prezent 20 kryetarë të bashkive të rajonit të Ballkanit Perëndimor.

Indeksi i biznesit, po mundohemi ta standardizojmë që të jetë prezent në të gjitha vendet e rajonit. Kjo do na jepte mundësinë që të krahasohemi në indikatorë të ndryshëm, por edhe për të marrë praktikat më të mira. E fundit, kemi shënuar rritje të investimeve amerikane me 62 milionë në vitin që kaloi. Kjo është rritje organike e bërë me kontribut të investimeve të vogla, të cilat i konsiderojmë se do të jenë të qëndrueshme. Jemi të qartë që janë shifra modeste. Edhe kjo na çon te klima e biznesit.

Nëse krahasohemi me RMV dhe Serbinë ne jemi poshtë në investime në Shqipëri. Ka dy faktorë që po e bëjnë klimën më të rëndësishme. Faktorët e jashtëm me sfidat globale si lufta në Ukrainë që ka përshpejtuar presionet e inflacionit, por ka ndërprerë kanalet e furnizimit, por nga ana tjetër indeksi i biznesit ka pësuar rënie në 3-4 vitet e fundit. Indeksi është i rëndësishëm sepse mat klimën e biznesit, dhe kjo na shqetëson. Klimën e biznesit e ka Shqipëria në dorë", tha Jaço.

Lajmet e fundit nga