LEXO PA REKLAMA!

SHKARKO APP

Irfani dhe Petrit Vasili "çmenden" për rrugët e reja, kostot i rriti LSI

26 Qershor 2022, 19:55, Aktualitet CNA
Irfani dhe Petrit Vasili "çmenden" për rrugët e reja,
Petrit Vasili dhe Irfan Hysenbelliu

Ka pasur një reagim nga Petrit Vasili, pas një gjoja investigimi të bërë nga mediat e Irfan Hysenbelliut, lidhur me kostot e rrugës Kardhiq-Delvinë.

Në fakt, kjo është një nga akset rrugore, e cila është filluar gjatë qeverisjes së Sali Berishës, ashtu siç edhe rruga tjetër nacionale Qukës-Qafë Plloçë, të cilat kanë kaluar në një situatë shumë komplekse, e cila lidhet me disa detaje.

Së pari, nga mungesa e plotë e financimit e më tej te sigurimi i tyre apo shtyrja e tyre dhe kostot e rritura. Në fakt, detajet flasin vetë.

Rruga Kardhiq-Delvinë është penguar dhe është vonuar, për të paktën për 4 vite, gjatë kohës që Ministria e Infrastrukturës drejtohej nga Edmond Haxhinasto, ministri i LSI-së.

Pra, ashtu nuk thotë, që edhe pse mund të jenë rritur kostot e rrugës, shkaktar për dështimin e saj në 4 vite, ka qenë LSI-ja e Petrit Vasilit dhe LSI-ja e Irfan Hysenbelliut, njeriut që është më afër kësaj partie se kurrë. Në vend që të shpikin fajtorë apo të gjejnë kostot, Vasili dhe Hysenbelliu duhet të gjejnë përgjegjësit e vërtetë të këtij investimi.

Katër vite u la rrugëve rruga Kardhiq-Delvinë, kjo për shkak të një ministri të paaftë dhe të korruptuar si Edmond Haxhinasto. Ky i fundit braktisi edhe disa akse të tjera rrugore, siç ishte rruga Qukës-Qafë Plloçë apo shtoi me 40 milionë euro kostot e rrugës Tiranë-Elbasan me rrëshkitjen e famshme, plus disa dhjetëra miliona euro të tjera, të fituara nga kompania ndërtuese në Arbitrazh.

Pra, e vërteta është që ka një rrugë me kosto të rritura dhe për shumë arsye të tjera, që lidhen me faktin e rritjes së kostove të ndërtimit apo çmimeve për shkak të pandemisë, tani edhe përpos luftës.

Por e vërteta është që rruga Kardhiq-Delvinë ngeli pas sepse nuk ka pasur një vizion të qartë dhe ministri që ka qenë në detyrë për 4 vite, Edmond Haxhinasto, e la pas dore edhe pjesën e aksit ku do të kalojë tuneli, tenderimin e të tjera si këto.

E bëri për arsye korruptive, e bëri për xhepat e tij dhe tani Irfani shikon me dylbitë e korrupsionit apo vonesave dhe kostove aty ku i intereson për shkak të lidhjeve të tij fluide me segmente të caktuara brenda mazhorancës apo brenda LSI-së.

Kjo tregon qartazi se më shumë sesa një skandal apo një investigim i mirëfilltë është thjeshtë dhe vetëm loja e radhës e Irfan Hysenbelliut, njeriut që ndërtonte pa leje dhe legalizonte dhjetëra kate ndërtim, apo njeriu që ka rrëmbyer prona publike për shkolla private./ CNA.al

Lajmet e fundit nga