E fundit!

09:36 Kosova & Bota

Shërbimi Gjeologjik i SHBA-së: Tërmeti që goditi Venezuelën ishte më i madhi në më shumë se një shekull

Tërmeti i së mërkurës ishte më i madhi që ka goditur Vene...

Helmimi i banorëve në Kukës/ Safet Gjici bëhet qesharak: Nuk kemi problem me ujin e pijshëm, vetëm se është përzierë me atë vaditës!”

27 Qershor 2022, 16:02, Aktualitet CNA

Safet Gjici

Kreu i Bashkisë së Kukësit, Safet Gjici, ka folur pwr situatwn e krijuar pasi më shumë se 50 banorë të fshatit Shtiqen, kanë shfaqur shenja helmimi.

Drejtoria e Higjienës dhe ndërmarrja e Ujësjellës Kanalizimeve në qarkun verilindor kanë ndërhyrë duke marrë masa, respektivisht me analizimin e mostrave të ujit dhe ndërprerjen e furnizimit në lagjen Mujë.

Ndwrsa Gjici ka kwrkuar nga autoritetet spitalore që të presin përgjigjen e analizave përpara se të hedhin hipoteza sipas tij për burimin e sëmundjes.

“Në fakt nuk është e vërtetë dhe po ju kujtoj se të gjithë ata, qoftë drejtues institucionesh, mjekë apo kushdo qofshin, apo rrjetet sociale, ose këta që bëjnë politika të mëdha në Kukës që janë dhe doktor, të abuzosh me një temë sensitive siç është uji i pijshëm, është e papranueshme. Ne e dimë që viroza e stinës s’është vetëm në Kukës, por ka edhe në Tiranë, raste të shtuara. Nuk ka lidhje fare me ujin e pijshëm. Një deklaratë që ka dhënë një mjek te spitali është keqkuptuar nga të gjithë ata që e kanë përdorur në rrjete sociale dhe politikisht. Patjetër që policia do bëjë hetimet e veta dhe do i marrë dhe analizat e ujit”, shprehet Gjici.

Por në fjalën e tij, Gjici tha se lagjia Mujë, ku është shënuar problematika, nuk ka probleme me ujin e pijshëm, por ka ndodhur një përzierje e tij me ujin vaditës.

“Për lagjen Muja të cilën flisni ju, nuk është e vërtetë që ka problem me ujin e pijshëm, aty ka një problem që është përzier uji i pijshëm me ujin vaditës, duke ndërhyrë një nga banorët, që policia po heton atë rast. Po s’ka lidhje fare, uji është i pijshëm vetëm se është përzier me ujin vaditës. Na rezulton se uji i pijshëm është totalisht brenda normave dhe analizave. Drejtoria e Ujësjellësit është në krye të detyrës”, thotë Gjici./E.T-CNA.al