LEXO PA REKLAMA!

SHKARKO APP

Irfan Hysenbelliu, i mbytur në borxhe/ Përdor mediat për sulme dhe shantazhe?

27 Qershor 2022, 14:20, Aktualitet CNA

Irfan Hysenbelliu, i mbytur në borxhe/ Përdor mediat për sulme

Pseudodemokracia shqiptare ka prodhuar shumë personazhe, të cilët duke tentuar të fshihen nën petkun e biznesmenit apo pronarë mediash, janë akuzuar për jo pak bëma dhe gjëma, në këto 30 vite.

Mes këtyre personazheve të pseudodemokracisë shqiptare, është edhe ish-kapteri, i kthyer në pronar mediash, Irfan Hysenbelliu.

Irfan Hysenbelliu, i mbytur në borxhe/ Përdor mediat për sulme

Një ish-kapter ushtrie në kohën e diktaturës, Irfan Hysenbelliu është kthyer në biznesmen, pronar mediash.

Por, ka edhe një detaj.

Irfan Hysenbelliu, ish-kapteri i diktaturës, i cili u pagua me paratë e inceneratorëve, së fundi ka filluar një sulm ndaj Tatimeve. Është krejt morale, që mediat të sulmojnë, të jenë përballë institucioneve shtetërore. Pra, të jenë në rolin e tyre si pushteti i katërt.

Irfan Hysenbelliu, i mbytur në borxhe/ Përdor mediat për sulme

Por, morali bie në momentin që mediat përdoren si “çadra” mbrojtëse nga borxhet në të cilat është zhytur.

Biznesmeni që tenton të “fshihet” pas mediave të tij, Irfan Hysenbelliu, duket se është mbytur në borxhe.

CNA.al ka siguruar dokumente ekskluzive, që tregojnë se Irfan Hysenbelliu ka lënë peng mediat e tij, për të “shpëtuar” nga borxhet.

Por, nëse shikon denoncimet në mediat e Irfan Hysenbelliut, nuk ka asnjë akuzë të drejtpërdrejtë kundër kryeministrit në detyrë, por sulmohen disa drejtorë apo institucione, tek-tuk. Dhe me sa duket kjo ndodh, kur ato shkojnë të kontrollojnë, të zbardhin dokumentet, taksat, detyrimet, që ka paguar në shtet ky individ, i cili për të thënë të vërtetën është i mbytur në borxhe. Me kredi miliona euro. Pa folur për paratë që duhet t’u japë kontraktorëve apo nënkontraktorëve të tij.

Irfan Hysenbelliu, i mbytur në borxhe/ Përdor mediat për sulme

Tatimet kanë zbarkuar në bizneset e Irfan Hysenbelliut pas dyshimeve për evazion fiskal. Por duket se këto kontrolle nuk janë pritur aspak mirë nga Hysenbelliu, i cili ka nisur menjëherë sulmet ndaj zyrtarëve të kësaj drejtorie.

Dhe pasi Tatimet thjeshtë i kërkojnë të paguajë taksat, në mediat e tij janë publikuar disa shkrime ku sulmohet drejtori i përgjithshëm i Tatimeve, Ceno Klosi. Gjë që në fakt çon në dyshime se nuk janë gjë tjetër veçse shantazhe.

Dhe kjo nuk është hera e parë. Por, sa herë kanë ndodhur kontrolle ndaj bizneseve të këtij personazhi, sulmohen mediatikisht drejtorë tatimesh, drejtorë doganash. Por pavarësisht të gjitha borxheve, evazionit fiskal dhe problemet e tjera që Hysenbelliu ka, ai po na flet në emër të mediave për moral.

Por, nga ana tjetër Irfan Hysenbelliu së fundi ka filluar një sulm edhe në lidhje me ndërtimin e rrugës Kardhiq-Delvinë, gjoja pas një investigimi të mediave të tij, lidhur me koston e saj.

Irfan Hysenbelliu, i mbytur në borxhe/ Përdor mediat për sulme

Por, Irfan Hysenbelliu me sa duket në “investigimin” e mediave të tij, ka harruar t’u tregojë shqiptarëve, se pse janë shtuar kostot dhe kush është përgjegjësi.

Para se të sulmohen biznese, që janë në punën e tyre, “Irfani i LSI-së”, duhej t’u tregonte shqiptarëve se rruga Kardhiq-Delvinë është penguar dhe është vonuar, për të paktën për 4 vite, gjatë kohës që Ministria e Infrastrukturës drejtohej nga Edmond Haxhinasto, ish-ministri i LSI-së.

Irfan Hysenbelliu, i mbytur në borxhe/ Përdor mediat për sulme

Pra, ashtu nuk thotë, që edhe pse mund të jenë rritur kostot e rrugës, shkaktar për dështimin e saj në 4 vite, ka qenë LSI-ja, afër së cilës duket të jetë më shumë se kurrë edhe Irfan Hysenbelliu. Në vend që të shpikin fajtorë apo të gjejnë kostot, duhet të gjejnë përgjegjësit e vërtetë të këtij investimi. Dhe nëse mediat do të ishin në misionin e tyre, në krye të “listës” do të duhej të ishin inceneratorët, për të cilët Irfan Hysenbelliu ka “kyçur” gojën./ CNA.al

 

Lajmet e fundit nga