Denoncim-Irfan Hysenbelliu grabit pronën legjitime të qytetarëve/ Dokumentohet skandali

1 Qershor 2022, 10:37, Denoncim CNA

Irfan Hysenbelliu

Irfan Hysenbelliu, i njohur për lidhjet e tij politike, duket se po shfrytëzon çdo mundësi për të grabitur pronën legjitime të qytetarëve.

Një denoncim ka mbërritur në redaksinë e CNA.al, nga një qytetar nga Korça.

Altin Iljasi denoncon se Irfan Hysenbelliu ka shtrirë duart në pronën e tij private, pavarësisht dokumenteve që ai disponon.

Kjo histori grabitjeje, sipas Iljasit, e ka zanafillën para katër viteve.

Hysenbelliu pa hyrë në negociata me pronarët legjitimë të truallit, dyshohet se ka zgjedhur atë të shfrytëzimit të lidhjeve politike, për t’ju grabitur pronën qytetarëve.

“Në qytetin e Korçës, pranë 'Birra Korçës', ka zaptuar një pjesë që ka qenë pronë publike gati 800 metra katrorë. Kam pronën time aty afër dhe më ka zënë dhe mua gati 50 metra”, denoncon Altin Iljas.

Ky i fundit ka vënë në dispozicion edhe dokomente që vërtetojnë pronësinë e tij, si certifikatën e pronësisë, hartën dhe planin e rilevimit.

Denoncim-Irfan Hysenbelliu grabit pronën legjitime të qytetarëve/

Në foton e mëposhtme, hapësira me ngjyrë portokalli është prona e zaptuar nga Hysenbelliu.

Denoncim-Irfan Hysenbelliu grabit pronën legjitime të qytetarëve/

Denoncuesi nëpërkëmbet institucioneve

Përtej kësaj grabitjeje, ulëritës është fakti se si heshtin institucionet.

Denoncuesi Altin Iljasi ka shkuar në polici, në prokurori, por ankesat e tij nuk janë marrë parasysh.

Për më tepër organet ligjzbatuese ku ai ka bërë denoncimin nuk i kanë dhënë as kopjen e denoncmit që qytetari të firmosë.

Që do të thotë se nuk kanë mbajtur fare denoncim.

Të vetmen ankesë që qytetari disponon është ajo drejtuar Bashkisë Korçë, por edhe kjo e fundit, nuk i ka kthyer ndonjë përgjigje.

“Jam ankuar disa herë dhe shikoj që institucioneve nuk ua mban të merren me atë pis mashtruesi. Kallëzim kam bërë edhe në Prokurori, dhe nuk e kanë marrë për bazë. E shikoj që kanë frikë njerëzia nga ky njeri”, shprehet më tej denoncuesi Altin Iljasi.

Denoncim-Irfan Hysenbelliu grabit pronën legjitime të qytetarëve/

Ky është objekti që po ndërton Hysenbelliu, ku muri rrethues është ngritur 50 metra në pronën e denoncuesit Altin Iljasi.

Për një gozhdë pa leje institucionet apo për zaptim prone përkatëse, kanë arrestuar dhe dënuar qytetarë, por në rastin e Irfan Hysenbelliut, as Policia, as Prokuroria dhe as Bashkia në Korçë, nuk kanë lëvizuar nga vendi./CNA.al