LEXO PA REKLAMA!

SHKARKO APP

E fundit!

x

Po Vjollca Hoxha e Co, kur e kanë radhën?

11 Prill 2022, 16:25, Aktualitet CNA
Po Vjollca Hoxha e Co, kur e kanë radhën?

Sot Departamenti Thesarit, shpalli pronarin e televizionit Ora news, Ylli Ndroqi, trafikantin e drogës Xhemail Pasmaçiu i cili po hetohet nga SPAK si non-grata. Gjithashtu dhe biznesmenin tjetër, ish deputetin e PDIU, Aqif Rakipin.

Por më shumë se sa një reagim ndaj një ish trafikanti droge, të njohur si Xhemail Pasmaçiu me emër të ndryshuar, Ylli Ndroqi i cili për vite tëra mbijetoi duke u lëpirë pas Ilir Metës, pushteteve, tenderave dhe korrupsionit sic thotë dhe Departamenti Thesarit, sot kemi dhe një pronar mediash non-grata.

Mediat në Shqipëri, një pronar televizioni e ka non grata në Shtetet e Bashkuara  të Amerikës si të korruptuar, si trafikant droge, por nuk duhet të mjaftohet me kaq.

Media në Shqipëri nuk ka vetëm Ylli Ndroqin. Ylli Ndroqi është një nga ata ‘yjet’ e mediave shqiptare.

A ka radhë? A do ketë të tjerë? Ndoshta është shpejt për të thënë e kujt do të jetë radha, por ne si media do të donim t’i përmendnim Ambasadës disa emra, në rast se i dëgjonte, në rast se jo mund t’i vëmë dhe prova në dispozicion për personazhe të tjerë të botës mediatike shqiptare.

Së pari për Vjollca Hoxhën e Top Channel e cila  vetë publikisht në edicionet e saj të lajmeve të disa ditëve më parë akuzoi stafin dhe bashkëpunëtorët se kishin vënë gjoba në emër të televizionit.

Nga ana tjetër, stafi e akuzoi Vjollcën se i kish vënë gjobë një biznesmeni.

Një emison i cili u krijua në Top Channel me vajtjen e Ben Blushit, një politikan, ish ministër, një njeri shumë i akuzuar gjatë kohës së Top Channel, pati një mijë e një akuza ndaj tij. Sot Ben Blushi është një qytetar i lirë. Por nga ana tjetër, Top Channel akuzoi emisionin që u ndërtua kur shkoi Ben Blushi në Top Channel se kishte vënë gjobë.

A duhet më për Vjollcën!? Patjetër! Afera e shekullit, inceneratorët një katastrofë financiare që shkon mbi 600 milion euro, e cila e ka emrin e qeverisë shqiptare, ka emrin e korrupsionit por aty përfshihet dhe Vjollca Hoxha në ortakëri me pronarët e inceneratorëve nëpërmjet Lori Kafe. Aty përfshihet Ben Blushi nëpërmjet ortakërisë me Stela Gugallën dhe Vjollca Hoxhën, në kopaninë ‘Kudopej”.

Pra pronarja e Top Channel, pronarja e saj është një ortake e aferës korruptive më të madhe në vend, ku një ministër, një sekretar i përgjithshëm dhe shumë zyrtarë ndodhen në burg, dhe pronarët e inceneratorëve janë në kërkim.

Përtej Ylli Ndroqit, pa njohur se cilat janë rregullat e korrupsionit që njeh Departamenti Thesarit, ka dhe emra të tjerë.

Vjollca Hoxha nuk mund të jetë e vetmja që ne mund t’i referojmë në rast se do pranojnë. Gjithsesi është Karlo Bolino i koncensioneve me qeverinë, i përfolur në sa e sa skandale, edhe në një faturë 1 miliardëshe paguar nga një institucion publik i shtetit shqiptarë.

E pas tij ka të tjerë pa asnjë diskutim. Nuk mund të përjashtohet Ylli i medias, jo Ndoqi por Irfan Hysenbelliu.

Kushdo qëndron në tregun mediatik e di mirë, kush është Irfan Hysenbelliu. Kapterri dikurshëm që tashmë është kthyer në vellain e Taos, pra Taulant Ballës apo Luli Bashës, Erion Veliajt e kështu me radhë. Njeriu që ndërton 7 katë pallat pa leje dhe përfiton nga legalizimi. Përdor mediat për interesa të tij klientelistë.

Prandaj Departamenit Thesarit e filloi mbarë dorën me Ylli Ndroqin por duhet ta vazhdojë edhe me pronarë të tjerë mediash të cilët janë ortakë në afera korruptive të qeverisë, janë paguar nga paratë e pushtetit dhe qeverisë për interest e mbushjes së xhepit të tyre. Mediat të cilat duhet të jenë në shërbim të qytetarëve, janë kthyer në shërbim të pushtetit për shkak të korrupsionit dhe klientelizmit që vjen nga qeveria dhe mediat e lidhura më të./CNA.al

CNA.al e paralajmëroi/ DASH shpall dy persona të tjerë non grata në Shqipëri

Nga shantazhet tek trafiku i drogës/ Xhemail Pasmaçiu shpallet non grata nga SHBA

Përfunduan në listën e ?zezë? të SHBA/ Kush janë personat e shpallur non-grata

Lista e plotë e non-gratave sot nga SHBA/ Thesari Shënjestron Aktorë për Sjellje Destabilizuese në Mbarë Ballkanin Perëndimor

SHBA shpall të tjerë persona non grata në Shqipëri?!

Lajmet e fundit nga