web counter
LEXO PA REKLAMA!

SHKARKO APP

App Store
Google Play

E fundit!

x

“Misteri me bujqësinë e Rilindjes”/ Gazetari zbulon skandalin, çfarë ndodhi në Parlament

27 Qershor 2022, 14:49, Aktualitet CNA

“Misteri me bujqësinë e Rilindjes”/ Gazetari zbulon

Gazetari Klodian Tomorri ka komentuar një raport të INSTAT në lidhje me bujqësinë në tri vitet e fundit.

Në një postim në rrjetet sociale, ndërsa publikon shifrat e INSTAT, Tomorri shkruan se si u del bujqësia me rritje këtyre mbetet një mister i madh.

“Bujqësia e Rilindjes

Sipas të dhënave zyrtare të INSTAT, në tre vitet e fundit:

1-Numri i gjedhëve ka rënë me 130 mijë krerë ose 28 për qind

2-Numri i të leshtave është ulur me 380 mijë krerë ose 20 për qind

3-Numri i të dhirtave është ulur me 142 mijë ose 15.5 për qind

4-Numri i derrave është ulur me 25 mijë ose 13.6 për qind.

Treguesi më pozitiv, pra ai që ka shënuar rënien më të ulet është numri i gomerëve. Krahasuar me vitin 2018, kemi vetëm 7 mijë gomerë më pak.

Se si u del bujqësia me rritje këtyre mbetet një mister i madh.”-shkruan gazetari.

Më tej, ai zbulon edhe një skandal, që sipas tij ka ndodhur në parlament.

Sipas gazetarit Tomorri, deputetët janë korruptuar për të mos votuar në parlament, projektligjin për të taksuar qumështin pluhur.

“Për më teper që janë dhe pucista. Propozoi Ministria e Financave një projektligj për të taksuar qumështin pluhur në Parlament, por fabrikat e qumështit korruptuan deputetët. Si përfundim projektligji u rrëzua nga korrupsioni për turpin e atyre deputetëve që e bënë.

E kuptoni çfarë bëhet këtu? Fabrikat e përpunimit të qumështit lobojnë për të hequr taksën e qumështit pluhur. Kjo i thotë të gjitha.

Mirë që nuk japin subvencion, por e ekspozojnë prodhimin vendas ndaj konkurrencës së pandershme. Kjo është arsyeja se pse po për disa vjet këtu blegtoria do ketë vetëm gomerë dhe asgjë tjetër.

Vazhdoni kështu, vazhdoni se do shqepemi mirë me mish nga Brazili dhe Argjentina si dhe qumësht me sodë buke.”-përfundon postimin e tij Klodian Tomorri./CNA.al

“Misteri me bujqësinë e Rilindjes”/ Gazetari zbulon





Lajmet e fundit nga