web counter
LEXO PA REKLAMA!

SHKARKO APP

App Store
Google Play

Avokatët e Beratit, sërish në protestë/ Bojkot pa afat për të gjitha seancat gjyqësore

30 Qershor 2022, 09:27, Aktualitet CNA
Avokatët e Beratit, sërish në protestë/ Bojkot pa afat
Foto ilustruese

Një ditë më parë, Këshilli i Përgjithshëm i Avokatisë së Shqipërisë vendosi për “bojkot total pa afat të të gjitha proceseve gjyqësore dhe bojkot masave të sigurimit me afat 10-ditor”.

Ndërkohë, vendimit i janë bashkuar edhe avokatët e Beratit, të cilët që prej orës 08:00 të mëngjesit të sotëm kanë bojkotuar të gjitha seancat gjyqësore.

Bojkoti i të gjitha seancave gjyqësore nga ana e avokatëve të Beratit do të jetë pa afat, ndërkohë që do të bojkotohen me një afat 10-ditor edhe të gjitha masat e sigurisë.

Kujtojmë këtu se protesta e avokatëve erdhi pas vendimit për ndryshimin e hartës së re gjyqësore, nga e cila do të shkrihen disa gjykata në qytete të ndryshme, një prej të cilave edhe Gjykata e Apelit Vlorë, që mbulon jugun e vendit, e cila mendohet të transferohet në Tiranë.

Kryetari i Dhomës së Avokatëve të Beratit, Plarent Lapardhaja, ka deklaruar se vendimi për ndryshimin e hartës së re gjyqësore penalizon jo vetëm avokatët, por edhe qytetarët.

Ai theksoi se ky bojkot do të vazhdojë pa afat deri në përmbushjen e kërkesave të tyre dhe se avokatët e Beratit do t'i bashkohen çdo vendimi që do të merret nga Dhoma e Avokatisë së Shqipërisë./CNA.al





Lajmet e fundit nga