web counter
LEXO PA REKLAMA!

SHKARKO APP

App Store
Google Play

E fundit!

x

Banorët e Porto Romanos: Të mbyllet fabrika e gazit, do të përsëritet Gërdeci

29 Qershor 2022, 21:45, Aktualitet CNA
Banorët e Porto Romanos: Të mbyllet fabrika e gazit, do të
Porto Romano, foto ilustruese

Banorë të Porto Romanos kanë protestuar përpara fabrikës së gazit në Durrës. Frika e shpërthimit të gazit i ka bërë bashkë për të dytën herë në në një organizim paqësor.

Ata e shohin fabrikën si një minë me sahat, e cila mund të përsërisë një tragjedi si ajo e Gërdecit.

“Unë jam i majtë, le ta dinë, por është puna për jetën e njerëzve. Ata që më dëgjojnë, më thonë e paska ngritur zërin filani. Kjo është fushë e minuar. Nëse do të plasë kjo, do të vejë shpërthimi deri në Durrës. Duhet t’i vënë gishtin kokës po nuk kanë nxjerrë mësim nga Gërdeci”, thotë një banor i zonës.

“Kush ka vënë firmë këtu të mbajë përgjegjësi. Unë kam 30 vjet këtu, firma tani erdhi. Ajo më ka gjetur mua këtu, se kam gjetur unë. Është shumë e rrezikshme se mes banorëve nuk lejohet”, shprehet një tjetër.

Fëmijë, burra dhe gra kanë kërkuar ndërhyrjen e autoriteteve ligjzbatuese për zhvendosjen e fabrikës.

Nëse autoritetet nuk marrin masa, ata do të përshkallëzojnë protestat.

Protesta mbështetej këtë herë edhe nga një grup të rinjsh të Forumit Rinor të Partisë Demokratike Durrës.

“Bashkë me banorët kemi vendosur të ngremë komisionin për Porto Romanon, që do të përbëhet nga banorët e zonës. Njëkohësisht do të dërgojmë dokumente zyrtare te Bashkia Durrës, te Ministria e Mjedisit, tek Avokati i Popullit dhe Komisioneri i Diskriminimit. Do të vazhdojmë të përshkallëzojmë iniciativat tona deri kur të kemi zgjidhje”, thotë Artion Bajramaj – Kreu i FRPD-së Durrës.

Dy javë më parë, në fabrikën e gazit në Porto Romano u regjistrua një shpërthim dhe u desh ndërhyrja e mjeteve zjarrfikëse për të neutralizuar flakët./Euronews 

 





Lajmet e fundit nga