E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Edmond Spaho: Edi Rama nuk duhet të japë dorëheqjen

14 Korrik 2026, 14:34, Aktualitet CNA

Ish-nënkryetari dhe ish-deputeti i Partisë Demokratike, Edmond Spaho, ka dalë kundër kërkesave për dorëheqjen e kryeministrit Edi Rama, duke argumentuar se vendi ndodhet në një fazë vendimtare të procesit të integrimit në Bashkimin Europian.

Spaho tha se interesi kombëtar duhet të vendoset mbi përplasjet politike, ndërsa shtoi se Shqipëria ka një mundësi të rëndësishme për të çuar përpara negociatat me BE-në.

Në deklaratën e tij, ai kritikoi ashpër grupet që organizojnë protesta kundër qeverisë, duke i akuzuar se synojnë marrjen e pushtetit përmes presionit në rrugë dhe jo përmes zgjedhjeve. Sipas Spahos, në një sistem demokratik qeveritë ndryshohen vetëm me votën e qytetarëve.

Ish-deputeti përdori tone të forta ndaj organizatorëve të protestave, duke i cilësuar ata si një rrezik për rendin demokratik dhe duke pretenduar se përdorin gjuhë përçarëse dhe sulme ndaj kundërshtarëve politikë. Ai hodhi akuza edhe për mbështetje të tyre nga grupe jashtë Shqipërisë.

“Ka ende njerez te mençur qe shohin interesin kombetar mbi ate partiak.

Ne te vertete Rama nuk duhet te jape doreheqje jo vetem sepse tani jemi prane nje rasti unikal qe Shqiperia te mbylle procesin e integrimit europian, por edhe se ky grup qe ka dale ne revolucion eshte qartazi atavizem fashiste.

Ky grup kerkon te shkaterroje bazat e demokracise, duke tentuar te vije ne pushtet me revolucion, me molotov, nga rruga, ashtu si erdhen ne pushtet falangat fashiste te Musolinit dhe Hitlerit.

Ne demokraci vihet ne pushtet vetem nepermjet votes se qytetareve. Fashistet dhe marksistet vine ne pushtet me revolucion dhe me pas zhdukin fizikisht kundershtaret e tyre politike.

Ky grup perbehet nga njerez qe flasin ne emer te popullit por jane te paarrire ne jete, deshtake, te papjekur, me mentalitet dhe fjalor te cunguar. Mjafton te ndjekesh llomotitjet e tyre cdo nate ne tribune, per te kuptuar se sa te varfer jane intelektualisht, sa bosh jane ne mendime dhe sa qesharake behen ne propozimet per organizimin e rendit tone shoqeror dhe qeverisjen e vendit.

Ky grup eshte shoqerisht i rrezikshem dhe duhet parandaluar te marre revan.

Ata si grupet e sulmit fashiste sulmojne ne menyre te organizuar te gjithe ata qe mendojne ndryshe, i masakrojne me fjalor rrugacesh ne rrjete sociale, ne banaqe televizive, sulmojne dhe shkaterrojne biznese qe i konsiderojne kundershtare, kane shpallur armik shtetin e Izraelit, shajne dhe ofendojne ne korr te gjithe qytetaret qe nuk i bashkohen marshimit te tyre te pernatshem, por shohin hallet e tyre.

Per fat te keq, ne kete paudhesi, atyre ju bashkohen falangat neomarksiste te Prishtines dhe xhamillaret e Tetoves, te cilet si kurre ndonje here me pare, madje as ne kohen e Titos dhe Millosheviçit, kerkojne te destabilizojne Shqiperine dhe te permbysin qeverine legjitime te saj.

Problemi nuk shtrohet a do dorehiqet Rama.

Problemi shtrohet a do ngrihet pjesa e shendoshe e shoqerise sone, ti kundervihet kesaj murtaje ne Tirane, e cila jo vetem kerkon te zhbeje cfare kemi arritur deri me sot, por edhe ta coje vendin qindra vjet prapa”, shkruan Spaho./ CNA