web counter
LEXO PA REKLAMA!

SHKARKO APP

App Store
Google Play

E fundit!

x

Protesta e avokatëve/ Rama, me qëndrim të prerë: Harta nuk ndryshon

1 Korrik 2022, 13:36, Politikë CNA

Protesta e avokatëve/ Rama, me qëndrim të prerë: Harta nuk

Kryeministri Edi Rama ka folur me tone të forta sot në lidhje me protestën e avokatëve, të cilët kanë bojkotuar seancat gjyqësore, në shenjë kundërshtimi ndaj hartës së re gjyqësore.

Gjatë një deklarate për mediat, Rama ka theksuar se pavarësisht qëndrimit të avokatëve, harta nuk do të ndryshojë.

“Harta është ajo dhe nuk ndryshon.

Është e habitshme që ka edhe njeri që mendon se mund të flasë me Qeverinë që unë drejtoj me gjuhën e bojkoteve. Me gjuhën e shfaqjeve të kokëfortësisë pa zë.

Ne këtu jemi. Kush ka diçka për të ndarë, e ka të thjeshtë, të na kërkojë të ulemi të bisedojmë.

Të bojkotojnë sa të duan, harta nuk ndryshon. Shqipëria nuk mund të mbetet peng i së kaluarës.

Shqipëria nuk është Kina, nuk është Amerika, nuk është as Franca dhe as Italia.

Është një vend shumë i vogël për të pasur zyra dhe institucione të panumërta. Harta gjyqësore është ajo, është konsultuar gjatë, është dakordësuar. Kush i bie ndesh është në të drejtën e vet, por pengmarrja e qytetarëve për të bërë qeverinë të ndryshojë mendim është e pamoralshme, e padobishme dhe s'ka asnjë shans të ketë sukses”-tha Rama./CNA.al





Lajmet e fundit nga