web counter
LEXO PA REKLAMA!

SHKARKO APP

App Store
Google Play

‘Sherri’ me Ramën për numrin e lopëve dhe shalqinin/ A do flasë më Erion Braçe?

1 Korrik 2022, 17:19, Politikë CNA
‘Sherri’ me Ramën për numrin e lopëve dhe shalqinin/
Edi Rama dhe Erion Braçe

Deputeti Erion Braçe, i cili bën rolin e opozitarit, që kur Rama e zëvendësoi me Ahmetajn, ka ngritur vazhdimisht akuza duke kritikuar vëmendjen që qeveria po i jep sektorit të bujqësisë dhe fermerëve.

Pak ditë më parë ai sulmoi edhe Ministrinë e Bujqësisë pas të dhënave të INSTAT për blegtorinë për vitin 2021, duke kërkuar që të ndryshohet TVSH-ja për bujqësinë.

Zellit të Braçes, për të bërë punë të mira, i është përgjigjur kryeministri Edi Rama sot nga Parku fotovoltaik i Karavastasë, një investim 100 mln euro, që pritet të përfundojë në vitin 2023.

Me ironi Rama tha se me  nisjen e këtij projekti “Mbaron edhe gjithë tensioni i Erion Braçes. Erioni meriton të gjithë respektin dhe falenderimet për këmbënguljen dhe për ndihmën që ka dhënë me autoritetet vendore për ta lehtësuar këtë proces".

Megjithëse, deri më tani duhet theksuar se Braçja është grindur me të tijët për çmimin e shalqinit dhe numërin e lopëve duke hedhur akuza në distancë me Ramën se kush po gënjen!

Apo mos vallë Braçja i binte shalqinit, se po i kërkonte Ramës parkun fotovoltaik të Karavastas!

Apo ndoshta pas parkut të Karavastasë ‘fshihet’ Braçja edhe medemek po "luftontë" për bujqit!

Gjithesesi, për të parë nëse tensioni i Braçes mbaron pas kësaj, siç tha Rama, duhet të presim ditët në vijim, nëse do të flasë sërish duke bërë rolin e opozitarit./E.T-CNA.al





Lajmet e fundit nga