E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Vijon misioni i Bashës/ “Supermeni” i selisë së bravave kapet “mat”

3 Korrik 2022, 11:00, Politikë CNA

Vijon misioni i Bashës/ “Supermeni” i selisë së

Ish-kryetari i Partisë Demokratike, Lulzim Basha, në rreth tetë vite që drejtoi këtë forcë politike, e çoi atë nga dështimi në dështim.

Për herë të parë në historinë e demokracisë, nën drejtimin e Lulzim Bashës, PD-ja qëndron për të tretin mandat radhazi në opozitë, ndërsa Partia Socialiste ka marrë mandatin e tretë qeverisës.

Për të mos folur më tej, për kauza të braktisura, për braktisjen e zgjedhjeve vendore, dhe fikjen e protestave kundër kryeministrit Edi Rama.

Gjë që në fakt çon në dyshime se “misioni” i Lulzim Bashës ishte të mbante Ramën në pushtet.

Por, pas largimit me turp nga drejtimi i PD-së, Lulzim Basha duket se “misionin” e tij ia ka dorëzuar Enkelejd Alibeajt, “supermenit” të selisë së bravave, të cilit i dha pesë detyra.

Ky i fundit me sa duket vijon misionin e Bashës, në shërbim të përçarjes së Partisë Demokratike.

Por, ndërsa nga njëra anë duket se i shërben përçarjes së PD-së, nga ana tjetër Enkelejd Alibeaj tenton t’u hedhë hi syve demokratëve.

Një ditë më parë, Alibeaj ka bërë një postim në rrjetet sociale, me rastin e 2 korrikut.

“Me 2 korrik 1990 djem dhe vajza kurajozë, thyen barrierën e fundit të diktaturës komuniste. Kështu i dhanë shpresë shqiptarëve se e ardhmja ishte matanë atij muri hermetik. 2 korriku nuk ishte vetëm largimi drejt ëndrrës por ishte dhe goditja më e rëndë që mori regjimi komunist.

Shqiptarët kishin dhe kanë një ëndërr: Shqipërinë si Europa!

Një ëndërr që sot, 32 vite pas rënies së atij muri, mbetet e parealizuar plotësisht. Sepse dhe pas 32 vitesh jemi në betejë me të keqen, me atavizmat e së shkuarës që kanë ngritur muret e reja që po i mbajnë shqiptarët ende larg perëndimit.

Ndaj sot, të gjithë sëbashku, duhet të shohim dritën e shpresës dhe të pëpiqemi të rrëzojmë muret e reja. E bashkë me to dhe mbeturinat e mureve të vjetra. Për realizuar ëndrrën e përbashkët të shqiptarëve. Shqipërinë si Europa!”-shkruante Alibeaj.

Postimi i “supermenit” të Bashës, është shpërndarë në rrjetet sociale, edhe nga faqja e PD-së, e cila vijon të mbahet peng nga “misionarët” e ish-kryetarit.

Por, pas këtij postimi, demokratët kanë “shpërthyer” në komente kundër Alibeajt, të cilin e cilësojnë si “shtojcë të PS-së”.

“Ti nuk ke lidhje me demokratët. Te je socialist”, -shkruan një qytetar.

Ndërsa një tjetër shkruan: “Poo por nuk ishin si ti ata!! Ti e tregove veten që je mbeturina”.

“Ti do bësh Shqipërinë? Kurrë Enkelejd, ti nuk e kalon klasën pa pyetur pjellën komuniste si Edvin Ramën dhe shoqen Kim, që kanë një qëllim kthimin e sorosjanëve komunistë në krye”, -shkruan një qytetar.

Gjithashtu një tjetër shkruan: “Edhe ti i tillë dole, shtojca e PS-së".

Po ashtu një qytetar ironizon ndërsa shkruan: “Alibasha thotë se bente kamarierin ne Rinas, po zotrote ku ishe kamarier?”./CNA.al