E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

32-vjetori i kryengritjes së 2 korrikut 1990/ Berisha, mesazh qytetarëve

2 Korrik 2022, 17:23, Politikë CNA

32-vjetori i kryengritjes së 2 korrikut 1990/ Berisha, mesazh

Kryetari i Partisë Demokratike, Sali Berisha

Ish-kryeministri dhe kryetari i Partisë Demokratike, Sali Berisha, ka dhënë një mesazh për 32-vjetorin e kryengritjes së 2 korrikut 1990.

Me anë të një statusi në rrjetet sociale, Berisha kërkon që ne të përulemi me mirënjohje të thellë dhe nderim të madh para të gjithë atyre djemve dhe vajzave të pamposhtur e guximtarë që përmbysën murin e Berlinit në segmentin më të lartë, më të zi të tij, në Tiranë.

Statusi i Sali Berishës:

Sot 32 vjetori i kryengritjes se 2 korrikut 1990!

Te dashur miq, ne historine e qendreses se shqiptareve kunder diktatures staliniste me jetegjate ne Europe dhe lirise se tyre, eshte nje dite e shenuar. Me daten 2 Korrik te vitit 1990 mijra te rinj, punetore por edhe intelektuale e te persekutuar te Tiranes u ngriten dhe me nje guxim epik shemben ne Tirane murin e Berlinit, hyne ne oborrin e ambasades gjermane dhe ambasadave te tjera dhe plagosen per vdekje diktaturen e fundit staliniste ne Europe e permbysen edhe ne Shqiperi Murin e Berlinit.

Por mjerisht qytetaret e Tiranes dhe inteligjenca e saj u gjeten ne bisht te kohes. Ata nuk guxuan te mbeshtesin kryengritjen epike te guximtareve te kombit, nuk mbushen rruget dhe sheshet e Tiranes per te permbysur si ne vendet e tjera ishkomuniste diktaturen hoxhiste ne Shqiperi.

Me gjithe kete e pavaresisht nga kjo, Kryengritja paqesore e 2 korrikut 1990 goditi rende dhe beri te pashprese diktaturene komuniste ne Tirane.

Ajo me jehonen e saj te jashtezakonshme deshmoi se Shqiperia socialiste nuk ishte dhe nuk do mbetej shkemb graniti i socializmit ne Europe, apo Kuba e Adriatikut dhe se diktatura komuniste ne kete vend kishte hyre ne agonine e saj.

Ndaj dhe sot le te perulemi ne me mirenjohje te thelle dhe nderim te madh para te gjithe atyre djemve dhe vajzave te pamposhtur e guximtare qe permbysen me 2 korrik te vitit 1990 murin e Berlinit ne segmentin me te larte, me te zi te tij, ne Tirane.

Mirenjohja jone kete dite shkon edhe per ambasadorin e RFGJ Ëerner Daum dhe koleget e tij per mbeshtetjen e tyre te fuqishme per kryengritesit e 2 korrikut dhe popullin e shtypur shqiptar.

Nderim i veçante per martirin e kesaj kryengritje, te riun 15 vjeçar Artim Basha qe ra per te mbetur i pavdekshem ne altarin e lirise se shqiptareve. sb