web counter
LEXO PA REKLAMA!

SHKARKO APP

App Store
Google Play

E fundit!

x

Refuzon të marrë pjesë në protestë/ Flutura Açka, “leksion” Ramës

2 Korrik 2022, 10:53, Politikë CNA
Refuzon të marrë pjesë në protestë/ Flutura
Flutura Açka

Deputetja e PD-së, Flutura Açka, e cila ka refuzuar të marrë pjesë në protestën e 7 korrikut, ka reaguar ashpër një ditë pasi kryeministri Edi Rama ka “dënuar” me tre muaj riedukim gazetarin, pasi nuk i pëlqeu pyetja që i drejtoi gjatë konferencës për mediat.

Deputetja Açka thekson se Edi Rama dikur ishte njeriu që është rrahur për fjalën e lirë, ndërkohë që sot sipas saj është kthyer në harbutin e mediave.

Shkrimtarja thekson se fjala riedukim është marrë nga diktatura, ndërkohë që i ka dhënë “leksion” Edi Ramës se duhet hapur një shkollë për të “riedukuar Kryeministrat e Demokraturës”.

“E kush e mendonte se Edi Rama, njeriu që dikur është rrahur për fjalën e lirë, të kthehej në harbutin e mediave kur të ishte në pushtet.

Në solidariteit me gazetarët!

Si mund të kalojë nëpër duart e pushtetit të tij për t’u votuar Statusi i gazetarit? Do ta kthejë në 'Urdhri i gazetarit', ose më keq akoma, në 'Spaçi i gazetarit'.

Fjala 'Riedukim' në demokraci është marrë borxh nga diktatura.

Në fakt, na duhet të hapim me ligj një shkollë: Shkolla e Riedukimit të Kryeministrave të Demokraturës”, shkruan Açka./CNA.al





Lajmet e fundit nga