web counter
LEXO PA REKLAMA!

SHKARKO APP

App Store
Google Play

E fundit!

x

Në rrugën e Bashës, për të mbështetur Ramën/ Kush janë deputetët që braktisin qytetarët

2 Korrik 2022, 10:01, Politikë CNA
Në rrugën e Bashës, për të mbështetur Ramën/
Lulzim Basha në Kuvend

Kreu i PD-së, Sali Berisha, ka thirrur protestën e parë kombëtare në datën 7 korrik ora 19:00 para Kryeministrisë, pas rritjes së çmimeve dhe situatës së rëndë ekonomike që është krijuar.

Gjatë ditëve të fundit, PD-ja ka hapur dyert dhe foltoren për shqiptarët, të cilët kanë dalë në konferencë për media për të dhënë arsyet pse do t'i bashkohen tubimit të 7 korrikut.

Një pjesë e madhe e deputetëve të PD-së kanë konfirmuar pjesëmarrjen, ndërsa në shesh do të jenë edhe aleatët.

Monika Kryemadhi e LSI-së, Agron Duka i PAA-së, Fatmir Mediu i PR-së apo edhe Nard Ndoka kanë deklaruar se do të jenë në krah të Sali Berishës, për të kundërshtuar rritjen e çmimeve, me të cilën po përballen shqiptarët.

Po ashtu, edhe Grida Duma, Ervin Salianji, Saimir Korreshi apo Oriola Pampuri e shumë të tjerë, të cilët deri dje kanë qenë në krah të Lulzim Bashës, largimi i këtij të fundit ka bërë që ata të marrin kthesën e papritur. Përveç ironisë apo edhe deklaratave të ndryshme, edhe Saimir Korreshi ka konfirmuar pjesëmarrjen në protestë.

Por kush janë deputetët që nuk do të marrin pjesë?

Protesta e 7 korrikut ka nxjerrë zbuluar edhe deputetët e Lulzim Bashës, që i kanë dalë në krah Edi Ramës. Ashtu edhe si pritej, ata që kanë qenë “krahu i djathtë” i Bashës, nuk do të jenë në shesh, në krah të qytetarëve kundër qeverisë.

Jorida Tabaku, Enkelejd Alibeaj, Gazment Bardhi, Flutura Açka apo edhe Ferdinand Xhaferraj janë shprehur se do e bojkotojnë tubimin e thirrur nga Berisha.

Justifikimi i tyre ka qenë se kjo protestë është thirrur për hallet personale të Sali Berishës, ndaj dhe ata refuzojnë pjesëmarrjen.

Por ajo që duket qartë, është se deputetët e sipërpërmendur, janë thjesht “fytyra” e Lulzim Bashës, ata që janë pjesë e grupit të PD për të mbështetur Edi Ramën dhe për të vijuar marrëveshjen e tyre.

Vetë Lulzim Basha, prej disa javësh është “arratisur” nga Shqipëria dhe nuk dihet destinacioni i tij i pushimeve, ndërsa “direktivat” për të vetët i ka lënë të qarta: Të braktisin qytetarët dhe të mos bëjnë opozitë, duke ngritur zërin për hallet dhe shqetësimet që përballen shqiptarët çdo ditë./CNA.al

 





Lajmet e fundit nga