web counter
LEXO PA REKLAMA!

SHKARKO APP

App Store
Google Play

E fundit!

x

“Me trastë në krah gjeti vaksinat dhe paratë e Rindërtimit”/ Luljeta Bozo bën Ramën ‘hero’

2 Korrik 2022, 19:58, Politikë CNA
“Me trastë në krah gjeti vaksinat dhe paratë e
Luljeta Bozo dhe Edi Rama

Deputetja e Partisë Socialiste, Luljeta Bozo, ka komentuar protestën që opozita do të zhvillojë më 7 korrik.

E ftuar në "Kjo Javë” ajo u pyet nëse është krijuar një formë pakënaqësie ndaj qeverisë që ka motivuar qytetarët të dalin në shesh.

Bozo tha se nuk ka asgjë të keqe me dëshirën për të protestuar, pasi është një detaj i rëndësishëm i demokracisë.

“Protesta nuk ka ndonjë gjë të keqe. Është një nga anët e forta të demokracisë, se është i lirë njeriu. Jo gjithmonë është e drejtë protesta, por edhe sikur 1% të protestojnë le të dalin", tha ajo.

Sa u përket pikave të forta dhe të dobëta të qeverisë Rama, ajo u shpreh se ishte kryeministri ai që me “trastën në krah” siguroi fondet për Rindërtimin dhe përballimin e pandemisë duke vaksinuar popullatën.

“Kjo qeverie e Partisë Socialiste për mua ka drejtuar shumë mirë. Ra tërmeti dhe jemi i vetëm shtet që merr përsipër se brenda dy vitesh se aq e kishte parashikuar, t'i fusë të gjithë njerëzit në shtëpi. Është i vetmi shtet, se kemi fqinjët tanë që kanë 15 vite nuk kanë ndërtuar akoma shtëpi. Ça tregon kjo? Se është një qeveri që punon për popullin apo jo. Le të jemi të ftohtë. Erdhi pandemia, Europa nuk na dha fonde, mori kryeministri trastën siç e ka thënë edhe vetë dhe shkoi i gjeti, i mori vaksinat. Ne e përballuam shumë mirë. Shteti na i siguroi. U gjetëm të papërgatitur, jo ne, por gjithë bota.  Është prishur i gjithë ekuilibri i botës nga kjo luftë. Të mos preken ato shtresat që janë shumë, shumë në nevojë ai mori disa masa që nuk i ka bërë asnjë shtet tjetër”, theksoi Bozo./E.T-CNA.al





Lajmet e fundit nga