web counter
LEXO PA REKLAMA!

SHKARKO APP

App Store
Google Play

E fundit!

x

Berisha, "shuplakë" Ramës/ "Ka përjashtuar emigracionin dhe diasporën nga rrafshi politik"

2 Korrik 2022, 20:25, Politikë CNA
Berisha, "shuplakë" Ramës/ "Ka përjashtuar
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka hedhur akuza ndaj qeverisë për emigracionin dhe diasporën, gjatë një takimi online me 35 personalitete shqiptare, që jetojnë në vende të ndryshme të botës.

Berisha tha se kryeministri Edi Rama dhe qeveria kanë përjashtuar emigracionin dhe diasporën nga rrafshi politik në Shqipëri.

Ai theksoi se Rama nuk ka mbyllur kufinjtë, por nuk ka lejuar votën e emigrantëve.

“Në bindjen time më të thellë, kontributi juaj, angazhimi i emigracionit dhe diasporës për t’i dhënë një përgjigje kësaj situate realisht kritike në të cilën ndodhet vendi, është i domosdoshëm, por jo më pak e domosdoshme është gjithashtu, njohja e rolit tuaj në zhvillimet e këtij vendi.

De fakto, në rrafshin politik, emigracioni dhe diaspora janë të përjashtuarit e mëdhenj nga Shqipëria. Shqipëria nuk mbyll kufinjtë si dikur ndaj emigracionit dhe diasporës, por ajo nuk ka lejuar votën tuaj, nuk ka vendosur atë bashkëpunim të domosdoshëm për zhvillimin e saj dhe për përparimin e shqiptarëve. Sot ju sigurisht lexoni dhe ndiqni zhvillimet në vend, por unë shumë shkurt, dua të sjell në vëmendjen tuaj disa nga zhvillimet më dramatike, të cilat e bëjnë kritike gjendjen në Shqipëri”, theksoi ish-kryeministri./ B.A. – CNA.al





Lajmet e fundit nga