web counter
LEXO PA REKLAMA!

SHKARKO APP

App Store
Google Play

E fundit!

x

E "dredh" Salianji, harron Bashën/ Tani do të protestojë me Berishën

27 Qershor 2022, 19:22, Politikë CNA
E "dredh" Salianji, harron Bashën/ Tani do të
Deputeti i Partisë Demokratike, Ervin Salianji

Deputeti i Partisë Demokratike, Ervin Salianji e ka harruar Bashën pa kaluar ende tre muaj nga dorëheqja e tij. Nga një ithtar i Bashës, të cilin e mbronte në çdo dalje të tij, sot paptritur deputeti i  video skandalit erotike në PD-së e ka dredhur qëndrimin duke kthyer kursin nga kryetari aktual Sali Berisha.

Siç duket, deputeti i PD-së, e harroi gazin lotsjellës në selinë blu, ku qindra demokrat u sulmuan dhe dhunuan nga Salianji me shokë. Por nuk besojmë se e kanë harruar demokratët, atë çfarë iu kanë bërë, ndaj duhet ta mendojë edhe njëherë kur të dalë dhe të bëjë opozitarin, sepse falë politikës së keqe të tij dhe të Bashës, sot shqiptarët janë në këtë gjendje. 

Gjatë një prononcimi për mediat, Salianji është shprehur se  do t'i bashkohet protestës së opozitës dhe qytetarëve shqiptarë në 7 korrik para Kryeministrisë. Sipas Salianjit  me  7 korrik duhet të protestohet fuqishëm për çmimet që janë rritur dhe qytetarët që po varfërohen. 

"Data 7 korrik në kushtet kur çmimet janë rritur, nafta po shkon në stratosferë, ku qeveria i merr paratë nga qytetarët dhe ia jep një grushti oligarkësh dhe nuk kujdeset për asnjë shtresë duhet protestuar dhe madje fuqishëm. Duhet të jetë një formë reagimi për të vendosur nën fre një qeveri që po kthehet ne regjim", u shpreh Salianji.  

Ndërsa në një postim në rrjetet sociale, Salianji thotë se asnjë opozitar nuk mund të refuzojë organizimet apo thirrjet për rrëzimin e Edi Ramës nga pushteti. 

"Iu përgjigja interesit të gazetarëve për protestën që do të mbahet në 7 korrik! Asnjë opozitar nuk mund të refuzojë çdo organizim apo thirrje që ka për qëllim rrêzimin e qeverisë! Ka më shumë se 1001 arsye për të protestuar, protesto për arsyet e tua!", shkruan deputeti demokrat./CNA.al





Lajmet e fundit nga