web counter
LEXO PA REKLAMA!

SHKARKO APP

App Store
Google Play

E fundit!

x

“PD mbështet protestat e maturantëve”/ Muçollari: Tezat e provimeve treguan paaftësinë e qeverisë

27 Qershor 2022, 14:00, Politikë CNA
“PD mbështet protestat e maturantëve”/ Muçollari:
Grigels Muçollari

Anëtari i Kryesisë së PD-së, Grigels Muçollari, ka reaguar ashpër ndaj qeverisë, sa i takon situatës që është krijuar me maturantët.

Në një dalje për media, Muçollari deklaroi se kjo maturë po del nga dy vite pandemi, dhe se krijimi i tezave të provimit janë një tregues i paaftësisë së qeverisë.

Ai tha se PD-ja mbështet të drejtën e maturantëve për protestë, ndërsa i bën thirrje qeverisë që të mos fshihet pas justifikimeve.

Deklarata e plotë e Muçollarit:

Testi i Maturës është një tjetër tregues i paaftësisë së qeverisë.

Indinjata e tyre, është shenjë se të rinjtë  janë gati t’i thonë mjaft kësaj paaftësie që u bëhet barrë.

Deputetët e Partisë Demokratike në një interpelancë me ministren e Arsimit, prej muajsh kanë kërkuar teste pilot për të parandaluar atë që po ndodh sot.

Në ngut e sipër, duke shpërfillur thelbin dhe lartësuar propagandën, Qeveria ka harruar se kjo maturë del nga 2 vite pandemi.

Një administratë që e bën punën dhe e ka nxënësin në qendër të programeve dhe shqetësimeve, duhet ta kishte marrë parasysh këtë.

Kjo pandjeshmëri ka çuar në këtë kolaps.

Partia Demokratike mbështet të drejtën e maturantëve për protestë, dhe u kërkon t’a mbajnë zërin lart, me forcën dhe idealizmin e moshës.

I bëjmë thirrje qeverisë të punojë për zgjidhjet, jo të fshihet e të justifikohet.

Nuk do të lejojmë që, edhe një brez tjetër i zhgënjyer, t’i bashkohet Armatës së Shpopullimit të Shqipërisë, që është shtuar në mënyrë dramatike gjatë qeverisjes së Rama dhe Company.

Shqipëria është në Rrezik.

U bëjmë thirrje maturantëve, studentëve, dhe të gjithë të rinjve, që t’i bashkohen protestës së Frontit të Shpëtimit Kombëtar më 7 korrik./CNA.al





Lajmet e fundit nga