web counter
LEXO PA REKLAMA!

SHKARKO APP

App Store
Google Play

E fundit!

x

“PS nis fushatën për mandatin e katërt”/ Ahmetaj nga Vlora: Moment i mirë për të reflektuar

25 Qershor 2022, 19:39, Politikë CNA
“PS nis fushatën për mandatin e katërt”/ Ahmetaj nga
Arben Ahmetaj në Vlorë

Zëvendëskryeministri Arben Ahmetaj, nga Vlora ku po mbahet takimi për zgjedhjen e drejtuesve të rinj të degëve, bëri me dije se sot Partia Socialiste ka nisur fushatën për mandatin e katërt qeverisës.

Gjatë fjalës së tij, Ahmetaj theksoi se është një moment i mirë për të reflektuar për të atë çka bërë PS-ja këto vite.

“Është fantastike që kemi kaq shumë djem e vajza që kanë bërë një hap para për të marrë përgjegjësinë në drejtimin e PS-së në Vlorë. Ky është takimi i fundit në qarkun e Vlorës pasi kemi prekur të gjitha bashkitë dhe jo pa qëllim ju lamë të fundit, për të mbyllur turin këtu me këtë numër rekord kandidatësh që tregon që brenda PS-së në Vlorë ka vajza e djem me dëshirë e përgjegjësi për të drejtuar fushatat.

PS sot ka nisur fushatën për mandatin e katërt. Sigurisht njëri nga të 20 kandidatët do të fitojë, por kemi 20 djem e vajza që janë gati të marrin në shpatulla përgjegjësi para qytetarëve elektoratit premtimit të partisë.

Është një moment i mirë për të reflektuar për të atë çka bërë PS-ja këto vite që ka pasur përgjegjësinë e vazhdon ta ketë të drejtimit të punëve të Shqipërisë. Se çka bërë kryeministri dhe kryetari i partisë në këto vite që ka pasur përgjegjësinë për të qenë shërbëtori i parë i qytetarëve.

E mbani mend gropën e madhe që gjetëm kur morëm detyrën. Rama tha kemi një gropë para e një shkëmb pas. Një nga hapat e parë ka qenë taksa progresive, jemi parti e qytetarëve dhe e vetmja që ndryshon Shqipërinë që përballet me sfidat dhe për asnjë moment nuk e humb mendjen e vëmendjen nga qytetari i zakonshëm.

Kryeministri tha atëherë kush paguhet më pak do të paguajë taksa më pak. E çfarë ndodhi? Nuk duhet t'i harrojmë. Që atë ditë e deri sot janë rialokuar nëpërmjet këtij instrumenti fiskal dhe social 1 miliard dollarë nga buxheti i shtetit në xhepat e shqiptarëve, të gjitha kanë shkuar për shkolla më të mira, një jetë më të mirë, për kurim ku duhej. Janë gjysma e më shumë e të punësuarve që paguajnë zero taksa.

Pyes kudo më gjeni një sistem fiskal social si ky i PS-së për qytetarët e zakonshëm. Nuk duhet të harrojmë se kjo vjen kur përballemi me qytetarin në përditshmëri jo vetëm në zgjedhje. Shumëkush nga ju pyet çdo t’u themi qytetarëve? Ç’kemi bërë për ta? Mbi atë çfarë kemi bërë ndërtojmë besimin për atë që premtojmë për të vijuar punën”, ka deklaruar ai./CNA.al

 





Lajmet e fundit nga