LEXO PA REKLAMA!

SHKARKO APP

E fundit!

x

Evropa i mbylli sërish derën Shqipërisë/ Shehi “shuplakë” qeverisë

24 Qershor 2022, 19:00, Politikë CNA
Evropa i mbylli sërish derën Shqipërisë/ Shehi
Kryetari i Lëvizjes për Zhvillim Kombëtar, Dashamir Shehi

Kryetari i Lëvizjes për Zhvillim Kombëtar, Dashamir Shehi, ka reaguar ashpër ndaj qeverisë për integrimin e Shqipërisë në BE.

Shehi thotë se Evropa i mbylli përsëri derën Shqipërisë, teksa kushtet për çeljen e negociatave janë trefishuar.

Me anë të një statusi në rrjetet sociale, ai thekson se shqiptarët e duan Evropën, por sipas tij, kjo qeveri është e gatshme të bëjë çdo gjë për ta penguar këtë dëshirë.

“Përsëri Evropa i mbylli derën Shqipërisë.

Sot që flasim, kushtet për çeljen e negociatave janë 3 fishuar.

ende nuk plotëson bazën për BE, pluralizmin politik sepse vota shitet për bukën e gojës!

Shqipëria nuk plotëson kushtet ekonomike sepse tregu është pronë e oligarkëve të lidhur me qeverinë.

Shqiptarët sot nuk kanë siguri për jetën e tyre sepse shteti mbron të fortët që financojnë fushatat.

Liria e shprehjes është në rënie, mundësitë për të bërë kapital pengohen nga burokracitë e shumta.

30 vjet vazhdon refreni “E duam Shqipërinë si gjithë Evropa”. Shqiptarët e duan Evropën por kjo qeveri, është e gatshme të bëjë çdo gjë për ta penguar këtë dëshirë”, shkruan kreu i LZHK-së./ B.A. – CNA.al

Lajmet e fundit nga