web counter
LEXO PA REKLAMA!

SHKARKO APP

App Store
Google Play

E fundit!

x

Çështja Xhaçka, “mollë sherri”/ Debate në Këshillin e Mandateve, PS-ja në mbrojtje të ministres

24 Qershor 2022, 11:35, Politikë CNA

Çështja Xhaçka, “mollë sherri”/ Debate

Mbledhja e sotme e Këshillit të Mandateve, ku është diskutuar kërkesa e PD-së për heqjen e imunitetit të deputetes Olta Xhaçka, është shoqëruar me debate.

Deputeti Alibeaj akuzoi përfaqësuesit e mazhorancës se po bëjnë teatër, ndërsa theksoi se mbledhja nuk mund të shtyhej.

“A është teatër apo jo, këtë e the ti. Ti mund ta quash teatër. Ne kemi paraqitur një kërkesë, me prova dhe fakte. Sot jemi të përgatitur për ta diskutuar, shqyrtuar, nëse do përdor gjuhën e rregullores dhe ligjit. Ky është seriozitet. Joseriozitet është kërkesa juaj; ta shtyjmë! E pse ta shtyjmë? Se s’keni pasur kohë ta lexoni”, -deklaroi Alibeaj.

Më tej, ai deklaroi se i fundit organ që vë “vulën” është Gjykata Kushtetuese.

“Unë nuk thashë që të vijë zonja. Është e drejta e saj, do të vijë, s’do të vijë, të mbrohet apo jo, është e drejta e saj. E them këtë për hir të seriozitetit. I fundit organ që vendos, e ndan shapin nga sheqeri, është Gjykata Kushtetuese. Por ky këshill sot pas këtij hapi, s’do të duhet të lëmë gjë, derisa të vejë te gjykata kushtetuese. Dëgjova se zoti Balla tha se duhet të ndërpritet? Po pse të ndërpritet? S’ka vendimmarrje. Për respekt të pozitës së secilit deputet, të ecim sot me diskutimin dhe ta diskutojmë në mbledhjen e radhës”, -tha Alibeaj.

Por, duket se PS-ja kërkon të marrë në mbrojtje ministren.

Pas fjalës së Alibeajt, ka reaguar socialistja Ermonela Felaj, e cila tha se duhet kohë për deputetet e PS-së.

“Ne bëmë një kërkesë objektive dhe serioze. Nuk mendoj se ky dokument është hartuar në një minutë të vetme. S’po kërkojmë që t’i hedhim një sy, pasi të gjithë dimë të lexojmë. S’duam të bëjmë orën e këndimit që bëjnë në klasë të dytë. Hyni në sistemin TIMS dhe disa kolegë kanë qenë jashtë vendit. Që të bëhet diskutimi për atë element, kërkon kohë paraprake. Këtë kohë po kërkojmë ne. Ne nuk i komentojnë arsyet tuaja”, - u shpreh Felaj.





Lajmet e fundit nga