web counter
LEXO PA REKLAMA!

SHKARKO APP

App Store
Google Play

Bllokimi i negociatave/ Këlliçi “nxjerr zbuluar” Ramën: Justifikohet pas vetos bullgare, s’ka plotësuar kushtet

23 Qershor 2022, 21:54, Politikë CNA
Bllokimi i negociatave/ Këlliçi “nxjerr zbuluar”
Belind Këlliçi

Deputeti i PD-së, Belind Këlliçi, ka “hedhur poshtë” deklaratat e kryeministrit Edi Rama për moshapjen e negociatave nga BE-ja.

Në një intervistë për emisionin “Të Paekspozuarit” me Ylli Rakipin, Këlliçi theksoi se vetoja bullgare është një justifikim i Ramës, pasi sipas tij nëse Shqipëria do të kishte bërë detyrat e shtëpisë, Komisioni do të kishte bërë ndarjen dhe do t'i jepte vendit tonë dritën jeshile.

“Politika e jashtme e vendit tonë, sipas mendimit tim, por edhe PD-së, është e unifikuar me politikën e jashtme të Serbisë.

Sot që ne flasim ka prapë një Samit në Bruksel ku Edi Rama u vë fajin BE-së, Brukselit, burokratëve të të gjithë unionit që Shqipërisë nuk iu hapën negociatat. Në 9 vite Edi Rama i ka hapur negociatat 6 herë, dha dhe dekorata. Tani çfarë faji ka BE-ja se në çdo raport ti del vendi më i korruptuar i Europës.

Kjo e gjitha është një maskaradë. Ky zotëria del dhe fajëson Bullgarinë, a thua se i ka vënë veto Shqipërisë. Nëse BE-ja do të ishte e bindur, Komisioni do të ishte i bindur që Shqipëria ka ecur përpara dhe ka plotësuar kushtet, pa diskutim që do të bëhej ndarja nga Maqedonia dhe do t'i hapej dritarja, do t'i jepte dritën jeshile”, tha Këlliçi./CNA.al





Lajmet e fundit nga