E fundit!

11:41 Aktualitet

Përplasjet me opozitën/ Balla: Partinë e Sali Berishës nuk e pranoj si përfaqësuese të protestës

Kreu i grupit të PS, Taulant Balla pas mbledhjes së Konfer...

Artur Zheji: Rama, bën sikur ka mbi supe padrejtësi të mëdha. Bullgaria do shpërbërjen e Maqedonisë, nga kjo ne nuk humbasim, por fitojmë

23 Qershor 2022, 21:35, Politikë CNA

Artur Zheji: Rama, bën sikur ka mbi supe padrejtësi të

Analisti Artur Zheji

Kryeministri Rama po krijon një frymë antieuropiane dhe po bën sikur i kanë rënë mbi supe padrejtësi të mëdha, kështu është shprehur analisti Artur Zheji duke komentuar në emisionin “Open”, vendimin e Bashkimit Europian për të mos i dhënë sërish dritën jeshile Shqipërisë dhe Maqedonisë së Veriut për procesin e integrimit.

Gjatë diskutimit të tij Zheji tha se kryeministri Edi Rama ka të drejtë, kur e lidh këtë vendim të BE-së me veton bullgare ndaj Maqedonisë së Veriut, që po mban të bllokuar procesin edhe për Shqipërinë, por sipas analistit, Rama nuk ka të drejtë në gjuhën që përdor ndaj Europës, duke bërë sfiduesin, sepse Bullgaria do shpërbërjen e Maqedonisë, nga kjo ne nuk humbasim, por fitojmë.

“Jam dakord me kryeministrin, që vetoja bullgare ishte e mirëpritur për BE-në, për arsye se nuk ka klimë zgjerimi për vende si i yni, që janë ndër më të korruptuarit në Europë apo më gjerë në Euroazi.

Nuk mund të flitet në mënyrë antieuropianiste, si të ishe kryeministri i Zvicrës apo Danimarkës, një vend që lulëzon, pra si të thuash kryeministri që po mban mbi supe padrejtësitë e mëdha që po i bëhen kësaj Shqipërie, që ka arritur të gjitha rekordet, dhe nuk i japin kurorën e merituar.

E gjitha kjo luhet për tregun e brendshëm politik, është një premtim i pambajtur i kryeministrit, dhe për të bërë interesantin për tregun e brendshëm politik, bën të përvuajturin, agresivin, ndaj BE-së. Komuniteti i BE ishte shumë i qartë në injorimin që i bën arsyes së mosarsyes, pra lojëra fjalësh që fshehin paradigmën e zbrazët. Nuk vjen një shportë me rezultate kaq të mëdha.

Më duket mjaft elegante fshehja pas gishtit, pra pas rastit të Bullgarisë. Ka një arsye tjetër, që thuhet se Bullgaria do shpërbërjen e Maqedonisë, por nga kjo ne nuk humbasim, por fitojmë. Çudirat nuk kanë të mbaruar.

Bullgaria mendon se është një vend që i janë ngrënë territoret nga luftërat ballkanike. Pra, ka të drejtë që Bullgaria është alibi, dhe nuk ka të drejtë se krijon një frymë antieuropiane, bën sfiduesin, sikur të thuash se është kryeministri i një republike shumë të suksesshme. Nuk i ka rezultatet, po t’i kishte, do ta mbështesim të gjithë. Është një lojë në katror”, tha Zheji./CNA.al