web counter
LEXO PA REKLAMA!

SHKARKO APP

App Store
Google Play

E fundit!

x

“Me gjuhë cubash ndaj BE”/ Manjani ‘telendis’ Ramën: Turp! Nuk na përfaqëson ne

23 Qershor 2022, 17:57, Politikë CNA
“Me gjuhë cubash ndaj BE”/ Manjani ‘telendis’
Ylli Manjani

Ish ministri i Drejtësisë Ylli Manjani, ka reaguar me tone të forta ndaj Kryeministrit Edi Rama, pas gjuhës së ashpër sot në samitin e BE.

Manjani shkruan se Rama foli me gjuhë cubash, duke e konsideruar si një turp, dhe se nuk na përfaqëson ne.

Postimi i Manjanit

Unë do isha 100% dakord me gjuhën e ashpër të Edi Ramës ndaj Europës së sotme politike nëse:

Shqiptarët do të lejoheshin të zgjidhnin lirisht, ndershëm dhe në mënyrë demokratike si çdo europian.

Demokracia të ishte rend sundues dhe jo autokracia.

Liritë dhe të drejtat themelore të shqiptarëve të ishin po aq të garantuara nga një shtet jo partiak si kudo në Europë.

Ekonomia të zhvillohej e lirë dhe sipas tregut si kudo në hapësirën Europiane.

Shqiptarët të preferonin të rrinin në vendin e tyre si për punë ashtu edhe për shërbimet publike që i marrin në Europë.

Ambasada Amerikane të mbante të sillej si në çdo vend të Europës, squk dhe në mision të pastër diplomatik.

Shqiptarët të vidheshin dhe të gënjeheshin nga qeveria e tyre aq sa ç'gënjehen europianët nga qeverirë e tyre.

Qeveria ti mbronte shqiptarët nga krizat e tregjeve të mëdha dhe jo ti rripte .

Qeveria Shqiptare të ishte nën parlamentin, e dënueshme nga drejtësia dhe llogaridhënëse para publikut si çdo qeveri europiane.

Ja,vetëm kaq të bënte për vendin e vet dhe do isha me të.

Por gjuha e Tij sot e parë me syrin se çfarë i ka bërë e po i bën këtij vendi, ishte gjuhë cubash. Mund t'ja pranojnë nga pahiri ata që ai dhunon këtu në shpellën e tij, por jo në Europë.

Ai nuk më përfaqëson!

Ai më turpëron!/E.T-CNA.al

 





Lajmet e fundit nga