LEXO PA REKLAMA!

SHKARKO APP

Rama nuk ndal “thumbat” ndaj BE-së/ Shekullin tjetër do jemi anëtarë, do përballemi me të tjera “Bullgari”

23 Qershor 2022, 14:58, Politikë CNA
Rama nuk ndal “thumbat” ndaj BE-së/ Shekullin tjetër do
Kryeministri Edi Rama

Kryeministri Edi Rama gjatë një konference për mediat pas përfundimit të Samitit të BE-së, ka vijuar të shigjetojë liderët europianë, të cilët sërish nuk dhanë sot një “Po” për negociatat me Shqipërinë dhe Maqedoninë e Veriut.

Rama tha se rrugëtimi drejt BE-së do të vazhdojë, por duket se gjatë rrugës do përballen me të tjera “Bullgari”.

“U përpoqa që të them disa gjëra në takim dhe do të ndaj me ju disa prej tyre sepse nuk dua që të marr aq kohë sa kishim në takim.

Ata nuk mbajtën fjalën, kështu që tre minuta nuk ishin mjaftueshëm.

Ju thashë që ndihesha mirë dhe keq që isha me ta. Mirë se jemi europianë, por ndihesh keq sepse ende ne nuk mund të jemi këtu si europiane, por si miq në një shtëpi të ndarë dhe është vërtetë diçka shumë shqetësuese që edhe sulmi i një pandemie në shkallë globale, një sulm tragjik dhe një luftë kaq kërcënuese që mund të shndërrohet në një luftë tragjike globale nuk kanë mundur t’I bëjnë bashkë.

Por cfarë mund të bëjmë.

Kemi shumë për të bërë dhe mendoj se ne kemi bërë dhe bëmë tani për të mbështetur idenë e presidentit francez, Macron.

Ne do vazhdojmë rrugëtimin tonë me shpresën që shekullin e ardhshëm të jemi anëtarë, duke u përballur me të tjera “Bullgari” rrugës.”-tha Rama./CNA.al

Lajmet e fundit nga