Tabaku ironizon Ramën/ "Shkoi si Çeço në Bruksel, bëri kot të fortin e lagjes"

23 Qershor 2022, 11:00, Politikë CNA
Tabaku ironizon Ramën/ "Shkoi si Çeço në Bruksel,
Deputetja e Partisë Demokratike, Jorida Tabaku

Deputetja e Partisë Demokratike, Jorida Tabaku, ka ironizuar pjesëmarrjen e kryeministrit Edi Rama në samitin e BE-së në Bruksel, teksa u ndal te zhvillimet e fundit.

Tabaku tha në Parlament se Rama “shkoi me një këmbë, si Çeço” në samit, pavarësisht se në fillim paralajmëroi se nuk do të merrte pjesë.

“Bëri të fortin e lagjes duke mbledhur edhe trimat rreth e rrotull të vendeve të rajonit, por megjithatë shkoi në konferencë. Ashtu siç e thashë para pak ditësh, me një këmbë shkoi Rama atje në konferencë, si Çeço. Pavarësisht se bëri të fortin e lagjes duke mbledhur edhe trimat rreth e rrotull të vendeve të rajonit, shkoi”, u shpreh deputetja.

Por deklarata e saj ka shkaktuar pakënaqësi te kryetarja e Kuvendit Lindita Nikolla, e cila i mbylli mikrofonin duke iu drejtuar: “Nuk është procedurë, ju dëgjuam”./ B.A.- CNA.al

Lajmet e fundit nga