Nisja e protestave/ PD, mesazh të fortë qytetarëve

22 Qershor 2022, 22:47, Politikë CNA
Nisja e protestave/ PD, mesazh të fortë qytetarëve
Selia e Partisë Demokratike

Pasi ish-kryeministri Sali Berisha njoftoi për nisjen e protestave më 7 korrik, Partia Demokratike ka bërë një thirrje për të gjithë shqiptarët.

PD kërkon që kjo protestë të shtrohet në mbarë vendin kundër sistemit, që e cilëson si monist.

PD njofton se do të bëjë takime edhe me parti të tjera opozitare, teksa thekson se demokratët janë të vendosur të mbrojnë interesat e vendit tonë.

Data 7 korrik është menduar nga Partia Demokratike të jetë data e protestës së madhe në Tiranë. Të bëjmë gjithçka për të nisur betejën tonë, kjo është betejë e rëndësishme, por kjo betejë duhet të shtrihet në mbarë vendin. Si një front i përbashkët të bëjmë një punë intensive për protestën e datës 7 korrik. Të angazhohemi që protesta të tjera të vazhdojnë, ky sistem është monist.

Ky nuk është më pushtet Kushtetues, por pushtet i dalë nga patronazhistët. Nuk ka liri pa votë. E vetmja mënyrë për të garantuar lirinë, është vota. Të ngrihemi në këtë protestë të fuqishme. Të mos e shndërrojme Tiranën në një Beograd të vogël. Është kryeqyteti i vendit. Do të bëjmë takime me parti të tjera opozitare. Jemi të vendosur të mbrojmë interesat e vendit tonë”, thuhet në deklaratë./ B.A. – CNA.al

Lajmet e fundit nga