web counter
LEXO PA REKLAMA!

SHKARKO APP

App Store
Google Play

E fundit!

x

Përgatitjet për front të ri opozitar/ Meta dhe Berisha, gati bashkëpunimin pas 24 korrikut

22 Qershor 2022, 19:02, Politikë CNA
Përgatitjet për front të ri opozitar/ Meta dhe Berisha, gati
Ilir Meta dhe Sali Berisha

Kreu i PD-së, Sali Berisha, dhe presidenti Ilir Meta do të bashkëpunojnë ngushtë, pasi këtij të fundit t’i mbarojë mandati në datën 24 korrik.

Kështu deklaroi deputeti i PD-së, Tritan Shehu, ku në një intervistë për media tha se Ilir Meta do të jetë aleati kryesor i tyre për të përgatitur një front opozitar.

Në emisionin “Studio Live”, deputeti tha se nuk do të ketë një shkrirje të dy partive në një të vetme, pasi PD sipas tij mbetet partia më e madhe opozitare në vend.

“PD opozita ka filluar të lëvizë fortë. Do të jetë një bashkëpunim akoma më i mirë me aleatët tanë opozitarë. Shkrije të LSI dhe PD nuk e shoh, janë fora politike të veçanta. Do të ketë një bashkëpunim të ngushtë, për të krijuar një front opozitar që t'i kundërvihet këtij regjimi. Pa përjashtuar LSI-në, e rëndësishme dhe e fortë tashmë në hapësirën opozitare. PD po merr përgjegjësitë e saj opozitare”, tha Shehu.

Ndalur në përplasjet brenda Partisë Demokratike, Shehu u shpreh se është kundër negociatave me grupin e Enkelejd Alibeajt. Sipas tij, ata që duan t’iu bashkohen janë të mirëpritur./CNA.al





Lajmet e fundit nga