LEXO PA REKLAMA!

SHKARKO APP

E fundit!

x

“Ballkani i hapur, strategji ruso-serbe”/ Harxhi zbulon ‘pazaret’ e Ramës

22 Qershor 2022, 17:00, Politikë CNA
“Ballkani i hapur, strategji ruso-serbe”/ Harxhi zbulon
Edith Harxhi

Anëtarja e kryesisë së PD, Edith Harxhi, ka folur për lojën e Ramës me bojkotin e Shqipërisë në Samitin e BE.

Harxhi ka theksuar se kjo është tërësisht një nismë ruso-serbe për të realizuar ëndrrën e tyre të vjetër për të dalë në Detin Adriatik.

Sipas ish-diplomates, vijimi i prezantimit të kësaj nisme nga ana e Ramës bëhet pasi kryeministri shqiptar po ndan interesa të mëdha.

“Mendoj se është një strategji. Në disa intervista e kam thënë se pritej që Bullgaria do e tërhiqte veton. Në takimin e Ohrit ishte shumë e qartë se Rama po prezantonte Ballkanin e Hapur si një strukturë paralele për Ballkanin dhe BE-në. Nisma nisi në Nish me Mini Shengenin dhe takimi në Novisad ku u prezantua me emrin e ndryshuar në Ballkanin e Hapur.

Është një strategji ruse për të rritur ndikimin e Rusisë në Ballkan nëpërmjet Serbisë dhe për të marrë faktorizimin e duhur në lidhje me BE-në. Rama ndan interesa të mëdha që vazhdon të promovojë një nismë që nuk ka asgjë euro-atlantike. Për sa kohë që mungon Kosova dhe Bosnje Hercegovina dhe që Mali i Zi është me aty me rezerva. Një strategji ruso-serbe për të dalë në Adriatik është një ëndërr e  vjetër e Rusisë dhe Beogradit dhe këtë po e arrin nëpërmjet Edi Ramës dhe do të arrijë edhe më tej.

Nuk ka asnjë përftim politik nuk shoh në këtë nismë nga ana e Ramës përveçse protagonizëm personal."/E.T-CNA.al

 

Lajmet e fundit nga