LEXO PA REKLAMA!

SHKARKO APP

Shqipëria merr 90 milionë euro borxh/ Ahmetaj tregon për çfarë do të përdoren

22 Qershor 2022, 13:07, Politikë CNA
Shqipëria merr 90 milionë euro borxh/ Ahmetaj tregon për
Zv.kryeministri Arben Ahmetaj

Pas mbledhjes së sotme të Qeverisë, zv.kryeministri Arben Ahmetaj, bëri të ditur se Shqipëria do të marrë një borxh prej 90 milionë eurosh.

Ai tha se është kaluar një draft marrëveshje me Italinë për një shumë prej 30 milionë eurosh për përmirësimin e rrjetit të energjisë elektrike në veri të Shqipërisë. Ndërsa në javët që vjen do të pasohet me një tjetër kredi prej 30 milionë eurosh, për sektorin e bujqësisë, kryesisht te peshkimi.

Po ashtu Ahmetaj ka njoftuar një 30 milionë eurosh tjetër, kredi që sipas tij do të shkojë, për mirëmbajtjen dhe rifreskimin e flotës së emergjencave civile.

“Një shumë prej 30 milionë eurosh për rrjetin e energjisë elektrike në veriun e Shqipërisë. Pjesë e angazhimit prej 90 milionë eurosh kredi. Do të pasohet me 30 milionë tjetër për kredi për peshkimin dhe 30 milionë tjetër për rifreskimin për flotën e emergjencave civile”, tha Ahmetaj./CNA.al

Lajmet e fundit nga