LEXO PA REKLAMA!

SHKARKO APP

Financimi i partive politike/Celibashi: Nuk ka transparencë, ka subjekte që nuk ju dimë selinë

22 Qershor 2022, 17:15, Politikë CNA
Financimi i partive politike/Celibashi: Nuk ka transparencë, ka subjekte
Kryetari i KQZ-së, Ilirjan Celibashi

Financimi i partive dhe bërja transparente e tyre, mbetet gjithmon një shqetësim për KQZ-në.  Kryetari i KQZ-së, Ilirjan Celibashi në konferencën e zhvilluar me fokurs transparencën financiare politike, u shpreh se kjo gjë duhet të përmirësohet.  

Ai u shpreh se KQZ nuk ka autorizim për të shkuar më thellë në kontrollin e këtyre forcave politike. “Do ketë gjithnjë vend për të diskutuar për raportin e politikës me paranë nuk do të ketë fund asnjëherë. KQZ mendon se ka vend për përmirësim kuadri ligjor për financimin e partive duhet të rregullohet edhe financimi i subjekteve. Ka ardhur koha që të përfshihen në monitorimin për partitë edhe shpenzimet në median e shkruar dhe rrjetet sociale. Sot raportimi i partive publike është sipërfaqësor, kontrolli mbi to është formal dhe ne nuk kemi mjetet për të çuar më tej kontrollet. Partitë të bëjnë publike çdo gjë”, tha Celibashi.

Celibashi kërkoi që të monitorohen shpenzimet e forcave politike, duke theksua se KQZ nuk është i autorizuar për kontroll të thellë në këtë aspekt. Sipas tij, rreth 51% e partive në vend nuk kanë adresë, ndërsa 80 parti, nuk kanë marrë pjesë në 4 proceset e fundit zgjedhore.

“Partitë dhe institucionet e tyre administruese kanë pak transparencë edhe brenda vetvetes, për më shumë se 51% të partive nuk kemi të dhëna për vendndodhjen e tyre. 80 parti nuk kanë marrë pjesë në të paktën 4 zgjedhjet e fundit nuk ka gjurmë të tyre, në vlerësimin tone ligji duhet të ndryshojë, në kushtet kur nuk bëjmë dot shqyrtimin kapilar të 131 partive, duhet të fokusohet te partitë që marrin pjesë në zgjedhje, kontrolli për të tjerat mund të bëhet me short”, u shpreh kreu i KQZ-së.
Në konferencën mbi transparencën e financimit politik në vendin tonë, morën pjesë edhe aktorë politike e përfaqësues të opozitës, të cilët ngritën shqetësimin e përdorimit të pushtetit nga qeveria, dhe mungesa e vullnetit të drejtësisë për ta dënuar./CNA.al

Lajmet e fundit nga