web counter
LEXO PA REKLAMA!

SHKARKO APP

App Store
Google Play

Berisha, “shuplakë” qeverisë për ekonominë/ Si po tallet me dhimbjen e njerëzve

22 Qershor 2022, 19:06, Politikë CNA
Berisha, “shuplakë” qeverisë për ekonominë/ Si
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka folur me tone të ashpra për situatën ekonomike në vend, ndërsa ka hedhur akuza ndaj qeverisë.

Në një takim me aktivistë të shoqërisë civile, Berisha tha se shqiptarët po përballen me rritjen më të madhe të çmimeve që nga viti 1992.

Ai theksoi se qeveria po tallet me dhimbjen e njerëzve, të cilët pretendon se po i blejnë ushqimet 100% më shtrenjtë se në vitin 2014 dhe kanë paga më të ulëta.

“Shqiptarët po përballen me rritjen më të madhe të çmimeve që nga viti 1992. Po të dëgjoni nesër Parlamentin dhe propagandën, ata janë kompensuar dhe nuk kanë lënë asnjë lloj dhimbjeje nga kjo rritje, por po t’i referohemi institutit të statistikave, tregon se këtë vit ndihma ekonomike ka qenë 2% më e vogël se vitin e kaluar.

Një tallje cinike me dhimbjen e njerëzve, të cilët sot blejnë ushqimet 100% më shtrenjtë se në vitin 2014. Sipas shifrave zyrtare dhe paga e tyre mesatare jo që është rritur, por është ulur në krahasim me vitin e kaluar. Sot, në rast se ne studiojmë me vëmendje nismat dhe ligjet e qeverisë, ata kanë një synim të vetëm, spastrimin dhe largimin e shqiptarëve nga Shqipëria.

Kishte deklaruar se deri në vitin 2029 nuk do të ketë taksa për profesionet e lira. Kujtohet dhe kthehet tani me një paketë fiskale, ku i çon ata në falimentim. Çfarë qëllimi ka ajo?

Nëse ju merrni të ardhurat që inkason buxheti nga kjo taksë, ato janë minimale, janë krejtësisht të parëndësishme, por ato janë krejtësisht shkatërrimtare për ne, se ata janë largimi i shtresës së mesme nga Shqipëria, shkatërrimi i saj.

Nuk ka mekanizëm më të suksesshëm për të shkatërruar një shoqëri, se t’i shkatërrosh asaj shtresën e mesme. Ajo është shtresa e stabilitetit social. Nuk ka rrugë më të suksesshme për shkatërrimin e një shoqërie, sesa të shkatërrosh biznesin e vogël. Ai është gjeneratori kryesor i punësimit”, nënvizoi ish-kryeministri./ B.A. – CNA.al





Lajmet e fundit nga