Pjesëmarrja e Shqipërisë në Samitin e BE-së / Bumçi: Europa është i vetmi destinacion yni, nuk duhet vënë në diskutim

22 Qershor 2022, 21:54, Politikë CNA
Pjesëmarrja e Shqipërisë në Samitin e BE-së /
Aldo Bumçi

Europa është i vetmi destinacion yni, është një marrëdhënie që nuk ka krisje, kjo nuk i ka shkuar në mendje asnjeriu, nuk ka asnjë drejtim tjetër përveç BE-së, është shprehur anëtari i kryesisë së PD-së, Aldo Bumçi, në emission “Now” me Erla Mëhillin.

Lidhur me diskutimin nëse Shqipëria duhet apo jo ta vërë në diskutim pjesëmarrjen në Samitin e BE-së, Bumçi është shprehur se “Shqipëria nuk duhet ta vërë në diskutim, Shqipëria se ka vënë kurrë në diskutim, ky vend ka pasur qeveri të majta dhe nuk ka mbajtur kurrë një qëndrim të tillë. Ky është një qëndrim që nuk përfaqëson asnjë krah të politikës shqiptare, kemi të bëjmë me një devijim të qëndrueshmë që është i kalkuluar nga ana e Ramës”.

Sipas Bumçit,  Rama në mënyrë të qëndrueshme ka një devijim në politikën tonë të jashme përkundrejt Serbisë dhe Kosovës, sepse interesat tona të mëdha kombëtare janë pavarësia e Kosovës, kur ndodhi dhe tani konsolidimi i kësaj pavarësie, gjithashtu ishte anëtarësimi në NATO dhe tani synimi kryesor është integrimi në Europë./CNA.al

Lajmet e fundit nga