web counter
LEXO PA REKLAMA!

SHKARKO APP

App Store
Google Play

E fundit!

x

Harta e re gjyqësore/ Meta: E kisha paralajmëruar, pasojë e mosveprimit për Reformën në Drejtësi

22 Qershor 2022, 21:14, Politikë CNA
Harta e re gjyqësore/ Meta: E kisha paralajmëruar, pasojë e
Presidenti Ilir Meta

Presidenti Ilir Meta e ka cilësuar si pasojë të mosveprimit në kohë për zbatimin e Reformës në Drejtësi, hartën e re gjyqësore.

Meta tha se i ka paralajmëruar pasojat, por pretendon se nuk ka pasur vullnet që këto çështje të rishikohen dhe të bëhet një reflektim gjithëpërfshirës.

“I kemi paralajmëruar të gjitha pasojat e mosveprimit në kohë për zbatimin e Reformës në Drejtësi. Kemi bërë të gjitha përpjekjet që Shqipëria të mos mbetet pa Gjykatë Kushtetuese, kemi bërë të gjitha përpjekjet që Shqipëria të mos mbetet pa Gjykatë të Lartë dhe e kemi paralajmëruar këtë kolaps në gjithë sistemin e drejtësisë.

Nuk ka pasur vullnet që këto çështje të rishikohen, të bëhet një reflektim gjithëpërfshirës, për të parë se çfarë ka shkuar keq dhe se si do t'i parandalojmë problemet në rritje, që ndeshin qytetarët lidhur me sistemin e drejtësisë.

Sepse ka pasur vetëm interes të kapen politikisht sa më shumë institucione të drejtësisë, dhe për sa i takon aksesit të qytetarëve dhe drejtësisë që ata marrin, pra ky ka qenë interesi më i fundit”, theksoi Kreu i Shtetit në "Aktualitet"./ B.A. - CNA.al





Lajmet e fundit nga