Paralajmëron Meta/ Më 25 korrik nis sfida, do të zhgënjehen shumë thellë ata që…

22 Qershor 2022, 22:02, Politikë CNA
Paralajmëron Meta/ Më 25 korrik nis sfida, do të zhgënjehen
Presidenti Ilir Meta

Presidenti Ilir Meta ka bërë një paralajmërim, teksa ka folur për situatën politike dhe për dorëzimin e mandatit të Presidentit.

Meta tha se më 25 korrik do të nisë sfida për rikthimin e llogaridhënies për shqiptarët.

Kreu i Shtetit theksoi në emisionin “Aktualitet” se të gjithë ata që bënë llogaritë për të ekzekutuar pluralizmin politik dhe demokracinë në Shqipëri, do të zhgënjehen shumë thellë.

“Unë besoj se kam një mision të pashmangshëm për t’ju përkushtuar rivendosjes së demokracisë në vend, të gjithë sistemit të llogaridhënies dhe të mbrojtjes së interesave kombëtare që minohen në mënyrë sistematike. Kjo është një sfidë e cila nis më 25 Korrik, dhe është një sfidë që do t’i bëjë bashkë gjithë shqiptarët e ndershëm dhe patriotë.

Jam shumë besimplotë se ne do të tregojmë se jemi vërtet një popull shqiponjash. Dhe të gjithë ata që bënë llogaritë për të ekzekutuar pluralizmin politik dhe demokracinë në Shqipëri, me qëllim shkatërrimin e interesave tona kombëtare, do të zhgënjehen shumë thellë”, deklaroi Presidenti.

Ndërkohë, kujtojmë se Ilir Meta do të “dorëzojë” Presidencën te Bajram Begaj më 24 korrik./ B.A.- CNA.al

Lajmet e fundit nga