“Negociatat nuk janë takim patronazhistësh në Yzberisht”/ Akademiku, “shuplakë” Ramës

23 Qershor 2022, 09:47, Politikë CNA
“Negociatat nuk janë takim patronazhistësh në
Kryeministri Edi Rama

Akademiku Artan Fuga ka analizuar sjelljen e Kryeministrit Edi Rama në Samitin e BE-së.

Sipas tij ka një nervozizëm të pashpjegueshëm nga ana e lidershipit politik qeveritar në Shqipëri.

“Lidhur me mundësinë ose jo të hapjes së negociatave me BE-në konstatohet një nervozizëm i pashpjegueshëm nga ana e lidershipit politik qeveritar në Shqipëri!

Presione psikologjike, fjalë që kalojnë maturinë diplomatike, adresime disi fyese ndaj BE-së, një lloj vetëkënaqësie a thua ne jemi margaritari i qelibartë dhe moskuptim i gjeopolitikave të sotme që kondicionojnë gjithçka.

Në vend të analizave të ftohta, veprimeve të matura, kërkesave pragmatike, ka një rrëmujë pasionante thirrjesh që dëmtojnë”, - shkruan Fuga në rrjete sociale.

Sipas profesor Fugës, duhet ruajtur serioziteti i shtetit dhe çelja e negociatave kërkon maturi, nuk është një miting elektoral në Yzberisht, a takim me patronazhistë!

“Si është e mundur që Kuvendi i Shqipërisë fle për këtë çështje, po Komisioni i punëve të jashtme, i integrimit, lëre pastaj opozitën se nuk po kërkoj gjë”, shkruan më tej Fuga./CNA.al

Lajmet e fundit nga