web counter
LEXO PA REKLAMA!

SHKARKO APP

App Store
Google Play

Vrasja dhe plagosja në Durrës e Kavajë/ Në pranga dy autorët

25 Qershor 2026, 13:22, Kronika CNA

Vrasja dhe plagosja në Durrës e Kavajë/ Në pranga dy

Dy persona, të dyshuar si autorë të një vrasjeje dhe një plagosjeje të ndodhur mbrëmjen e djeshme, në Durrës dhe në Kavajë, janë arrestuar nga policia.

Në pranga është vënë 32-vjeçari D.L., pasi mbrëmjen e djeshme në Sukth gjatë një konflikti për motive të dobëta ka goditur me thikë tre persona. Këta të fundit po marrin ndihmë mjekësore në spital.

Në pranga është vënë dhe 76-vjeçari që ka vrarë me thikë vëllanë e tij 74 vjeç në fshatin Agonas të Kavajës. Dy mjetet thika që dyshohet se janë përdorur nga autorët e dyshuar për këto krime, janë sekuestruar në cilësinë e provës materiale. 

Njoftimi i policisë:

DVP Durrës

Arrestohen në flagrancë 2 shtetas të dyshuar si autorë të 2 ngjarjeve (vrasje dhe plagosje) të ndodhura mbrëmjen e djeshme, në Durrës dhe në Kavajë.

Specialistët për Hetimin e Krimeve të Rënda të DVP Durrës, në bashkëpunim me shërbimet e komisariateve të Policisë Durrës dhe Kavajë, kapën dhe vunë në pranga shtetasit:    

-D. L., 32 vjeç, banues në fshatin Sukth, Durrës, pasi dyshohet se mbrëmjen e djeshme, në këtë fshat, gjatë një konflikti për motive të dobëta, ka plagosur me mjet prerës (thikë), shtetasit Xh. L., 60 vjeç, B. L., 34 vjeç (babë e bir) dhe F. T., 28 vjeç, të tre banues në të njëjtin fshat. 3 shtetasit e dëmtuar po marrin ndihmë mjekësore në spital;

-M. Rr., 76 vjeç, pasi dyshohet se mbrëmjen e djeshme, në fshatin Agonas, Kavajë, ka vrarë me mjet prerës (thikë), për motive të dobëta, vëllanë e tij, shtetasin E. Rr., 74 vjeç.

2 mjetet prerëse (thika) që dyshohet se janë përdorur nga autorët e dyshuar për këto krime, janë sekuestruar në cilësinë e provës materiale. 

Për të dyja rastet, grupet hetimore vijojnë punën për zbardhjen e plotë të rrethanave të ngjarjeve dhe sigurimin e provave ligjore për dokumentimin e tyre.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme. /CNA





Lajmet e fundit nga