"Show" në Kuvend/ Alibeaj "bashkohet" me PS-në

23 Qershor 2022, 10:21, Politikë CNA

Deputeti Enkelejd Alibeaj duket se e ka marrë shumë seriozisht vijimin e misionit të ish-kreut të PD-së, Lulzim Basha, në zbatim të marrëveshjeve me kryeministrin Edi Rama.

Por, në vend të "show"-t Rama-Basha, tashmë duket se në Kuvend do të vijojmë të shohim teatrin Balla-Alibeaj.

Sot në seancën plenare vetë kreu i grupit parlamentar të PS-së, Taulant Balla, ka folur "në emër" të deputetit Enkelejd Alibeaj.

Balla tha se ka rënë dakord me Alibeajn për të shtyrë diskutimin për aktin normativ për rritjen e çmimeve.

“Zonja kryetare, në fakt edhe për këtë çështje e kam kërkuar fjalën lidhur me aktin normativ për çmimin e disa materialeve të ndërtimit. Dua ta vë në dijeni Kuvendin se mes kryetares së komisionit të çështjes sociale, zonjës Duma, dhe një anëtari ka pasur diskutime. Shpresoj që të kemi mirëkuptimin dhe të Alibeajt. Kërkojmë shtyrje, shtyrja të bëhet deri javën tjetër. Duke qenë se java tjetër është java e gjelbër, ndaj biem dakord që kjo javë të shtyhet. Data 2 korrik është afati i fundit i shqyrtimit të aktit normativ. Duke qenë se kemi dakordësi të dy grupimeve më të mëdha, PS dhe PD, kjo çështje të shtyhet me këtë shënim që të zhvillohet seanca në datën 30. Nuk është detyruese, që komisionet të shtyhen”, - tha Balla.