web counter
LEXO PA REKLAMA!

SHKARKO APP

App Store
Google Play

E fundit!

x

Ironitë e Ramës në Samit/ Ish-ministri: Ego e sëmurë, i bën dëm Shqipërisë

23 Qershor 2022, 21:10, Politikë CNA

Ironitë e Ramës në Samit/ Ish-ministri: Ego e sëmurë, i

Ish-ministri i Jashtëm, Besnik Mustafaraj, ka komentuar zhvillimet e sotme në Samitin e BE-së.

I ftuar në emisionin "Radari Informativ", në "ABC News", Mustafaraj u shpreh se Rama sot në Samit bëri avokatin e Serbisë.

 “Pozicioni i Serbisë ishte delikat, por duke pasur një avokat si Rama, gjeti diçka të rëndësishme… Sjellja e Ramës ishte e dyshimtë, sepse aty nuk kishte asnjë të drejtë që të hynte te tema e sanksioneve ndaj Rusisë. Nuk hynte pjesë e preokupimeve që duhej të kishte kryeministri i Shqipërisë. U fut aty për t’i bërë nder Serbisë, dhe për protagonizëm”.

Gjithashtu deklaroi se truri i "Open Balkan" është Aleksandër Vuçiç, duke shtuar se Rama dhe Kova?evski po përdoren nga Vuçiçi.

“OB ka gjetur mbështetje vetëm nga SHBA-ja me një formulë të qartë: t’i shërbejë intensifikimit të marrëveshjeve ekonomike. E qartë që truri i kësaj lëvizjeje është Vuçiçi. Po i përdor. Por edhe ata bien se njëfarë interesi e gjejnë”, u shpreh Mustafaraj.

Ndërsa nuk ka kaluar pa komentuar dhe ironitë e Ramës në Samit kundër BE-së.

“Nëse liderët europianë do t’i merrnin seriozisht ironitë e talljet e Ramës… Ne, imazhit të Shqipërisë që ka nevojë për miq, i bën shumë keq. Egos së tij të shfrenuar nuk i interesojnë pasojat që kanë mbi Shqipërinë”, tha ai./A.E- CNA.al





Lajmet e fundit nga