Protesta në 7 Korrik/ Boçi: Situata e keqe, do të tronditet qeveria

23 Qershor 2022, 18:07, Politikë CNA

Protesta në 7 Korrik/ Boçi: Situata e keqe, do të tronditet

Nënkryetari i PD-së, Luciano Boçi, ka folur rreth protestës së paralajmëruar nga Partia Demokratike me datë 7 Korrik.

I ftuar në Euronews, Boçi është shprehur se, protesta do të jetë e qëndrueshme dhe e fortë, që të trondisë qeverinë, pasi njerëzit ndodhen në një krizë kur nuk po përballojnë dot jetesën nga rritja e çmimeve.

Do dalin njerëzit në shesh. Ne do të përcaktojmë datën dhe orën, dhe njerëzit do të dalin për qëllimet e veta.

Janë qytetarët të thjeshtë që shqetësimin e përjetojnë jo vetëm në mënyrë individuale.

Mënyra si intepretohet, duket se i shtyjmë për qëllimet politike. Do të ndërtojmë besimin nëpërmjet këtyre aksioneve. Cfarë të bëjmë të rrimë? Situatën e kemi të keqe”, deklaroi Boçi.

I pyetur nga moderatorja nëse protestat do të jenë të dhunshme, Boçi është shprehur:

“Protesta nuk është shfaqje artistike, është një shprehje mllefi qytetar. Kjo nuk do të thotë që do të ketë përplasje. Të jenë të forta, të qëndrueshme, të tronditet qeveria.

Protestat janë me synim të qartë që të trondisinin qeverinë.

Thirrja është për të gjithë”, tha Boçi./ A.E-CNA.al

Lajmet e fundit nga