“Keqardhje për JO-në e Brukselit/ PD thirrje për ‘rrëzimin’ e Ramës: Të bashkohemi me 7 korrik

23 Qershor 2022, 18:13, Politikë CNA
“Keqardhje për JO-në e Brukselit/ PD thirrje për
Aldo Bumci

Partia Demokratike ka reaguar me një deklaratë për mediat pas ‘Jo-së’ për negociatat sot në Bruksel.

Përmes anëtarit të Kryesisë Aldo Bumçi, PD shpreh keqardhjen ndërsa thekson se kjo ka vetëm një zgjidhje, të largohet Edi Rama, duke bërë thirrje të bashkohen të gjithë në protestën e 7 korrikut.

"Partia Demokratike shpreh keqardhjen më të thellë për JO-në e marrë sot në Bruksel.

Shqipërisë nuk do t’i çelen negociatat.

Shqipëtarët do të vazhdojnë të presin.

Rama, si përherë, e drejton gishtin nga të tjerët, por ai gisht po u futet në sy shqiptarëve.

Njëherë e ka fajin Europa, pastaj Maqedonia dhe tani Bullgaria.

Gishti i fajit nuk drejtohet kurrë nga vetja.

Shqiptarët e dinë dhe nuk presin integrimin e qeverisë, por zgjedhin mërgimin.

Kjo nuk është zgjedhje e lirë, është britma e pamundësisë.

Por, as zgjidhje nuk mund të jetë.

Ka vetëm një zgjidhje: të largohen ata që e kanë dorën në xhepin dhe gishtin në syrin e popullit.

Bashkojuni Partisë Demokatike dhe Shoqërisë Civile të lirë më 7 korrik.

#Shqipëria në rrezik!"/E.T-CNA.al

Lajmet e fundit nga