‘Nuk mund të presim që njerëzit të shtrihen në tokë’/ Boçi ngre alarmin

23 Qershor 2022, 21:24, Politikë CNA
‘Nuk mund të presim që njerëzit të shtrihen në
Nënkryetari i PD-së, Luçiano Boçi

Nënkryetari i PD-së, Luçiano Boçi, ka deklaruar se e keqja në Shqipëri është bërë mal.

Sipas Boçit ka shumë arsye pse qytetarët duhet të dalin në protestë. Nënkryetari thekson se qeveria ka kapur të gjitha pushtetet dhe nuk po i dëgjon më qytetarët.

Ndër të tjera nënvizon se gjendja ekonomike në Shqipëri është katastrofë dhe nuk mund të presin që njerëzit të shtrihen në tokë.

“E keqja këtu është bërë mal, por pajtimi me të keqen është e keqe më e madhe se e keqja e bërë mal. Këtu ka rënë sistemi si mos të bëhet protestë nga opozita. Këtu janë zaptuar të gjitha pushtetet. Produkti i qeverisë është arbitrar në veprimet e saj dhe nuk po i dëgjon më qytetarët.

Ne nisemi nga realiteti. Këtu janë kapur të gjitha, njerëzit janë larguar, janë 800 mijë të rinj. Kemi një gjendje ekonomike katastrofë. Të presim deri në shtator kur njerëzit të shtrihen në tokë. Forca reaguese duhet të jetë e madhe”, është shprehur Boçi./ CNA.al

Lajmet e fundit nga