Pollo: Gjuha e Ramës i shërbeu më shumë Vuçiçit se Shqipërisë

23 Qershor 2022, 22:13, Politikë CNA
Pollo: Gjuha e Ramës i shërbeu më shumë
Ish-deputeti i PD-së, Genc Pollo

Ish-deputeti i PD-së, Genc Pollo, ka komentuar deklaratat e kryeministrit Edi Rama në samitin e BE-së, duke thënë që i gjithë reagimi i shërbeu më shumë Aleksandër Vuçiç se Shqipërisë.

“Ishte e parashikueshme që Bullgaria që me atë situatë politike dhe e kishte të vështirë për të dhënë një 'Po'. Nga informacionet që kishim se situata bullgare nuk do e lejonte çeljen e negociatave, dhe kjo është vështirësisht e kuptueshme për publikun shqiptar për problemet mes Bullgarisë dhe Maqedonisë.

Bilateralizimi i çështjeve të BE-së nuk ndodh për herë të parë me Sofjen, ka ndodhur me Greqinë për bllokimin e emrit me Maqedoninë. Ka qenë një pengesë artificiale jo vetëm për Shqipërinë.

Ajo që ka ndodhur dy orët e fundit është që Komisioni i Jashtëm i Parlamentit Bullgar të miratojë propozimin e Makronit. Por sapo të merret vendimi në Parlamentin Bullgar, do të merret në një nivel tjetër.

Më shumë sesa çelja e negociatave debati do të ishte se çfarë do të sjellë kjo. E dyta është kollaj të bësh lajm, të bësh diskutime kritike apo metafora, ajo që u ngrit si referencë gjesti i 3 shefave të qeverive dhe shtetit, Vuçiç, Rama dhe Kovaçevski thanë edhe mund të mos shkojmë se do të qëndrojmë të njëjtat fjalë.

Një qëndrim shumë i qortueshëm, pasi është i dëmshëm për perspektivën e Integrimit. Është e vërtetë se Europa është në luftë, por Vuçiçi në mënyrë koherente ka marrë në mbrojtje Rusinë dhe këtë e tregoi me sanksionet.

Ai ndodhet nën presion nga BE-ja dhe SHBA-ja për t'u rreshtuar me të gjitha vendet e kontinentit që ndodhen në luftë ndaj një agresioni që po ndryshon rregullin botëror.

Serbia nuk është rreshtuar edhe më parë me sanksione kundër Rusisë, por është toleruar se ka qenë situatë paqeje, në kohë lufte nuk tolerohet më, por si t’ia bëjmë që të mos jetë kjo në fokus, por ne përmendim batuta herë nga librat e herë nga Dhiata.

Ky është një shërbim që iu bë Vuçiçit me këto deviacionet. Rama në një intervistë thoshte që e para Serbia ka të drejtë të mos bashkohet me sanksionet se ka një marrëdhënie speciale”, tha Pollo./ A.E-CNA.al

Lajmet e fundit nga