“Djegia” e Shqipërisë dhe Maqedonisë së Veriut nga Bullgaria/ Xhafaj: Po ecën në drejtim qorr

23 Qershor 2022, 22:02, Politikë CNA

“Djegia” e Shqipërisë dhe Maqedonisë së Veriut

Deputeti socialist, Etjen Xhafaj, i ftuar në emisionin “Log”, është shprehur se përgjigjja negative ndaj Shqipërisë dhe Maqedonisë së Veriut ishte një veprim që pritej.

Sipas Xhafajt, Bullgaria ka probleme të forta politike brenda vetes, gjë që çoi në mosrënien dakord për heqjen e vetos ndaj Maqedonisë së Veriut.

Ndërkaq, shtoi se ky është një lajm i keq për të gjithë, jo vetëm për Shqipërinë, por edhe vetë Europën.

“Komenti besoj është ai që keni pasur dhe ju javën e kaluar, ishte diçka e pritshme, diçka fatkeqe, edhe për atë që kishte ky Samit që ka të bëjë jo vetëm me Ballkanin Perëndimor apo Ukrainën, por sigurisht me nevojën për të pasur një qëndrim unision për atë që po ndodh në Europë. Kishte shpresë të madhe që të tregohej një vullnet mjaft pozitiv, por fatkeqësisht ishte një lajm i keq për të gjithë. Ishte një tjetër ecje në të njëjtin drejtim qorr”, tha Xhafaj./ A.E-CNA.al

Lajmet e fundit nga