web counter
LEXO PA REKLAMA!

SHKARKO APP

App Store
Google Play

E fundit!

x

"Gjykata” e PD legjitimon manipulimin në degën e Korçës/ Pezullon procesin e rivotimit

24 Qershor 2022, 16:53, Politikë CNA
"Gjykata” e PD legjitimon manipulimin në degën e
Dega e PD-së së Korçës

Komisioni i Apelimit dhe Vlerësimit të Statutit, në mbledhjen e sotme, e iniciuar nga Kryesia e zgjedhur në Degën e PDSH-së Korçë, pranoi kërkesën e ankimuesve për të pezulluar procesin e rivotimit për Kryesinë pranë kësaj dege.

KAVS deklaron se është nisur nga afati shumë i shkurtër kohor, ndaj dhe ka vendosur pezullimin e procesit të rivotimit në këtë degë me qëllim të hetimit të plotë dhe të thelluar të kësaj çështje deri në vendimin përfundimtar.

Në këtë mënyrë KAVS ka legjitimuar manipulimin e faktuar. CNA.al ka pasqyruar më parë se si u manipuluan zgjedhjet për kryesinë e PD-së në Korçë.

Votat për anëtarët e kryesisë janë numëruar në fshehtësi, në errësirë të plotë. Pasi ka mbaruar procesi i votimit, janë mbyllur dyert, është bërë numërimi dhe janë shpallur rezultatet.

Gjithçka ka ndodhur pa prezencën e kandidatëve, por vetëm në prani të Edith Harxhit dhe bashkëpunëtorëve të ngushtë të Andrea Manos dhe Devis Osmanit.

"Gjykata” e PD legjitimon manipulimin në degën e
Vendimi i KAVS

“I mbajtur më datë 24.06.2022 në praninë e anëtarëve të Komisionit të Apelimit, znj. Adriana Kalaja, znj. Anxhela Malko, z. Elton Bano, z. Gledis Çela dhe z. Ledio Nuraj, pasi morëm në shqyrtim ankesën e bërë nga Kryesia e Re e zgjedhur në Degën e PDSH-së Korçë: Në bazë të kërkesës bërë nga Kryesia e zgjedhur e PDSH-së Dega Korçë dhe pasi dëgjuam pretendimet nga një grup anëtarësh të kësaj kryesie përkatësisht znj. Viollandi Stojku, z. Arian Haruni, z. Niko Cukal dhe z. Irvin Bode,

KONSTATUAM: Se kërkesa për pezullim për përsëritjen e procesit të votimit për Kryesinë e PDSH-së, Dega Korçë më datë 25.06.2022, është e drejtë dhe nisur dhe nga afati i shkurtër kohor i përsëritjes së zgjedhjeve si dhe nga fakti i nevojës së kryerjes së një hetimi të thelluar nga Komisioni i Apelimit lidhur më këtë çështje, duhet pranuar.

Për këto arsye:

Bazuar në dispozitat ligjore parashikuar në Statutin e Partisë Demokratike shqiptare, e konkretisht në nenet 53 dhe 54 të saj,

Vendosëm:

1.Pezullimin e vendimit të KOKOE datë 13.06.2022 me Nr.71/2 Prot., për përsëritjen e procesit të votimit për Kryesinë e PDSH-së, Dega Korçë më datë 25.06.2022, deri në marrjen e vendimit përfundimtar nga Komisioni i Apelimit dhe Vlerësimit të Statutit pranë PDSH-së.

2. Njoftimin e këtij vendimi KOKOE dhe Degës PDSH-së Korçë”, thuhet në vendimin e Komisionit të Apelimit dhe Vlerësimit të Statutit./ B.A. - CNA.al





Lajmet e fundit nga