LEXO PA REKLAMA!

SHKARKO APP

Deklaratat e Ramës/ Berisha: Skandal diplomatik, e ndërseu Vuçiç për hakmarrje

24 Qershor 2022, 22:58, Politikë CNA
Deklaratat e Ramës/ Berisha: Skandal diplomatik, e ndërseu
Ish-kryeministri dhe kryetari i PD-së, Sali Berisha

Ish-kryeministri Sali Berisha ka komentuar sërish deklaratat e kryeministrit Edi Rama gjatë deklaratës për shtyp nga Brukseli, se bashku me kryeministrin e Maqedonisë së Veriut, Dimitar Kovacevski dhe presidentin serb, Aleksandër Vuçiç.

Me anë të një statusi në rrjetet sociale, Berisha deklaron se Vuçiç ndërseu Ramën si sharës për t’u hakmarrë ndaj Bullgarisë, për dështimin e vizitës së Sergey Lavrovit në Beograd.

Kryetari i PD-së i cilëson deklaratat skandal diplomatik, ndërsa dënon me ashpërsi sjelljen e kreut të qeverisë.

“Vuçiç ndërseu Ramën si sharës për t’u hakmarrë ndaj Bullgarisë për dështimin e vizitës së Lavrovit në Beograd.

Miq, dje Edi Rama, vasali Serbomadhit Vuçiç, në një skandal të vërtetë diplomatik, shpërtheu në sharje prej ordineri ndaj Bullgarisë për veton e saj për Maqedonine e Veriut. Duket se përdorimi i gjuhës të padenjë ndaj një vendi mik, Ramës i’u diktua nga padroni i tij, Vuçiç. E tëra kjo si hakmarrje primitive të këtij të fundit ndaj Bullgarisë për shkak të bllokimit të hapesirës ajrore nga ky vend anëtar i NATO-s për avionin e ministrit të Jashtëm rus, Lavrov dhe për pasojë, dështimit të vizitës së tij në Beograd.

Dënoj me ashpërsinë më të madhe sjelljen e padenjë të Edi Ramës dhe keqpërdorimin e tij si sharës me porosi nga padroni i tij, Aleksandër Vuçiç. Sb”, shkruan ish-kryeministri./ B.A. – CNA.al

Lajmet e fundit nga