web counter
LEXO PA REKLAMA!

SHKARKO APP

App Store
Google Play

“JO-ja” e BE/ Tabaku: Rama fshihet pas vetos bullgare, kriteret nuk janë plotësuar

24 Qershor 2022, 22:19, Politikë CNA
“JO-ja” e BE/ Tabaku: Rama fshihet pas vetos bullgare, kriteret nuk
Jorida Tabaku

Jorida Tabaku, nga Partia Demokratike, në rolin e kryetares së Këshillit të Integrimit Europian, në Intervistë me Marita Haklaj në A2CNN, foli për Samitin e Brukselit dhe veton bullgare.

Tabaku u shpreh se qeveria po fshihet pas vetos bullgare. Ajo theksoi se edhe nëse sot përcaktohet data e konferencës së parë ndërqeveritare, qeverisë shqiptare i duhen të paktën 6 muaj që të ngrejë strukturat.

“Kemi 8 vite që flasim për një situatë të njëjtë që nuk ndryshon. Frustrimi më i madh është për Shqipërinë dhe Maqedoninë e Veriut. Ne duhet ta kishim kaluar këtë situatë me kohë. Mënyra sesi qeveria është sjell ndaj këtij procesi, nënvlerësimi që i ka bërë, i ka marrë gjërat për të mirëqena, kanë shërbyer që të kemi edhe nga qytetarët një demotivim. Një sjellje e përgjithshme që ka sjellë këtë situatë që jemi sot.

Mua nuk më pëlqeu fare arroganca me të cilën kryeministri e luajti këtë çështje dhe prepotenca me të cilën e luajti këtë çështje. Është e vërtetë që vendet anëtare kanë thënë se Shqipëria duhet të hapë konferencën e parë ndërqeveritare. Edhe unë jam dakord që duhet të hapet, për arsye krejtësisht të ndryshme. Kriteret nuk janë plotësuar. Për mua duhet të jetë një vendim politik dhe duhej të ishte hapur konferenca e parë. Më duket e papranueshme që çështje bilaterale mes dy vendeve të bëhen pengesë. Ne e kemi kaluar këtë situatë, e cila ka bërë që edhe Maqedonia e Veriut të presë.

Unë e kam paralajmëruar që ne duhet të punojmë, pavarësisht datës. Ne nuk mund ta varim të gjithë të ardhmen e vendet nga një çështje bilaterale. Fatkeqësisht, në 8 vitet e fundit e kemi varur nga faktorë të brendshëm dhe ka qenë dështimi më i madh i kësaj qeveria procesi i integrimit. Nuk ka ndodhur kurrë që procesi i integrimit në 30 vite ne të mbetemi në të njëjtin nivel në 8 vite. Pavarësisht gjuhës që përdor sot Rama, pavarësisht sulmeve që bën sot Rama, ai ka dështuar. Qeveria po fshihet. Kanë humbur 3 vite duke pritur veton bullgare, ndërkohë që nuk ka lëvizur asgjë. Unë të them me siguri të plotë, nëse sot përcaktohet data e konferencës së parë ndërqeveritare, qeverisë shqiptare i duhen të paktën 6 muaj që të ngrejë strukturat”, u shpreh Tabaku./CNA.al





Lajmet e fundit nga