web counter
LEXO PA REKLAMA!

SHKARKO APP

App Store
Google Play

E fundit!

x

Sondazhi i Këshillit të Bashkëpunimit Rajonal/ PD: Vendi po shpopullohet, po bien kambanat e alarmit

25 Qershor 2022, 14:24, Politikë CNA
Sondazhi i Këshillit të Bashkëpunimit Rajonal/ PD: Vendi po
Selia e PD

Sekretarja për Organizatat Partnere në PD, Megi Balliu komentoi sondazhi që është bërë së fundmi Këshilli i Bashkëpunimit Rajonal, ku del se 42% e shqiptarëve duan të emigrojnë.

Në një dalje për mediat nga selia blu, Balliu tha se pasi kanë humbur ‘luftën e klasave’, shqiptarët nuk shohin alternativë veç emigrimit. 

Sipas saj, këto rezultate janë një kambanë alarmi, por qeveria nuk ka vesh ti dëgjojë.

Deklarata e plotë:

42 përqind e shqiptarëve kërkojnë të emigrojnë.

Shifra alarmante vjen nga Barometri i Ballkanit, një sondazh vjetor i Këshillit të Bashkëpunimit Rajonal.

Vendimi për të ikur kuptohet më qartë, po të vëresh një tjetër shifër të sondazhit.

88 përqind e shqiptarëve mendojnë se hendeku i pasurisë është thelluar.

Pasi kanë humbur ‘luftën e klasave’, shqiptarët nuk shohin alternativë veç emigrimit. 

Partia Demokratike dëshiron të theksojë edhe njëherë rrezikun e shpopullimit të vendit.

Të gjithë treguesit, të gjitha sondazhet, e dëshmojnë këtë.

Përsëritja e faktit dhe mesazhit nga opozita nuk bëhet për qëllime të tjera, por veç një arsye: një Shqipëri e boshatisur përbën një emergjencë kombëtare.

Kjo kambanë bie për ata që kanë veshë!

Me sa duket, jo për qeverinë, që bën veshin e shurdhër.

Ata shohin oborrin e tyre dhe thonë: qentë le të lehin, karvani të bëjë përpara!

Ne shohim karvanin e njerëzve që ikin dhe një Shqipëri në rrezik./CNA.al





Lajmet e fundit nga